కొలంబియన్ పాప్ స్టార్ షకీరా తన అభిమానులకు సరికొత్త అనుభూతిని అందించనున్నారు. సాధారణంగా స్టేడియంలు, కాన్సర్ట్ వేదికలకే పరిమితమయ్యే ఆమె ప్రత్యక్ష ప్రదర్శనను తొలిసారి ప్రపంచవ్యాప్తంగా ఆన్లైన్లో అందుబాటులోకి తీసుకురానున్నారు. అక్టోబరు 3న స్పెయిన్లోని మాడ్రిడ్లో జరగనున్న షకీరా కాన్సర్ట్ను గ్లోబల్ లైవ్ స్ట్రీమింగ్ చేయనున్నారు.
భారత్లో ఈ ప్రదర్శనను అక్టోబరు 4న అర్ధరాత్రి 12.15 గంటల నుంచి వీక్షించవచ్చు. అమెజాన్ మ్యూజిక్ ఇండియా యాప్, ప్రైమ్ వీడియో, ఫైర్ టీవీతో పాటు అమెజాన్ మ్యూజిక్ ఛానల్ ట్విచ్లోనూ ఈ లైవ్ అందుబాటులో ఉండనుంది. ముఖ్యంగా ఈ ప్రదర్శనను వీక్షించేందుకు ప్రత్యేకంగా ఎలాంటి రుసుము చెల్లించాల్సిన అవసరం లేదని సమాచారం.
ప్రస్తుతం షకీరా మాడ్రిడ్ రెసిడెన్సీ షోలతో బిజీగా ఉన్నారు. సెప్టెంబరు 18న ప్రారంభమైన ఈ షెడ్యూల్ అక్టోబరు 11 వరకు కొనసాగనుంది. ఈ క్రమంలో అక్టోబరు 3న జరిగే ప్రదర్శనను ప్రపంచవ్యాప్తంగా అభిమానులు ప్రత్యక్షంగా వీక్షించే అవకాశం లభించనుంది.
గాయని, గేయ రచయితగానే కాకుండా డ్యాన్సర్, నిర్మాత, కొరియోగ్రాఫర్గానూ షకీరా గుర్తింపు పొందారు. లాటిన్, అరబిక్ సంగీతంతో పాటు రాక్ అండ్ రోల్, బెల్లీ డ్యాన్స్లోనూ ఆమెకు ప్రత్యేకమైన పట్టు ఉంది. ‘హిప్స్ డోంట్ లై’, ‘వెన్నెవర్.. వేర్ ఎవర్’, ‘షీ వోల్ఫ్’, ‘వాకా వాకా’ వంటి పాటలు ప్రపంచవ్యాప్తంగా ఆమెకు భారీ క్రేజ్ను తీసుకొచ్చాయి.
ముఖ్యంగా 2010 ఫిఫా ప్రపంచకప్ సందర్భంగా షకీరా ఆలపించిన ‘వాకా వాకా: దిస్ టైమ్ ఫర్ ఆఫ్రికా’ ప్రపంచవ్యాప్తంగా సంచలనం సృష్టించింది. ఇప్పుడు తొలిసారి ఆమె కాన్సర్ట్ లైవ్ స్ట్రీమింగ్ కావడంతో ప్రపంచవ్యాప్తంగా అభిమానుల్లో ఆసక్తి నెలకొంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
