రూ.2,000కు మించిన వాణిజ్య యూపీఐ లావాదేవీలపై అమల్లోకి వచ్చిన ఎమ్‌డీఆర్‌ ఛార్జీల ప్రభావం వినియోగదార్లపై పరిమితంగానే ఉంటుందని ఎన్‌పీసీఐ ఎండీ, సీఈఓ దిలీప్‌ అస్బే తెలిపారు. లావాదేవీల విలువను పరిగణనలోకి తీసుకుంటే కేవలం 10 శాతం వరకు మాత్రమే ఎమ్‌డీఆర్‌ ప్రభావం ఉండొచ్చని చెప్పారు. అయితే ఆ భారాన్ని కూడా వినియోగదార్లకు బదిలీ కాకుండా బ్యాంకులు, ఎన్‌పీసీఐ, పేమెంట్‌ ప్రొవైడర్లు కలిసి చర్యలు తీసుకుంటాయని స్పష్టం చేశారు.
మొత్తం యూపీఐ లావాదేవీల్లో విలువ పరంగా 75 శాతం, సంఖ్య పరంగా 96 శాతం వరకు ఎమ్‌డీఆర్‌ పరిధిలోకి రావని దిలీప్‌ వివరించారు. దేశంలోని సుమారు 6 కోట్ల మంది వ్యాపారుల్లో అధిక శాతం రూ.2,000కు మించిన యూపీఐ లావాదేవీలు నిర్వహించడం లేదని తెలిపారు. ముఖ్యంగా క్యూఆర్‌ కోడ్‌ ఆధారిత చిన్న వ్యాపారాలపై ఈ విధానం ప్రభావం చూపదన్నారు.
రూ.1,000 కోట్లకు పైగా వార్షిక టర్నోవర్‌ ఉన్న సంస్థల నుంచే సుమారు 80 శాతం ఎమ్‌డీఆర్‌ వసూలవుతోందని దిలీప్‌ పేర్కొన్నారు. పెద్ద సంస్థలు ఇప్పటికే క్రెడిట్‌ కార్డు ఛార్జీలను తమ వస్తు, సేవల ధరల్లోనే కలుపుతున్నందున, యూపీఐ ఎమ్‌డీఆర్‌ భారాన్ని కూడా వినియోగదారులపై ప్రత్యేకంగా మోపే అవకాశం తక్కువగా ఉంటుందని వివరించారు.
ఎమ్‌డీఆర్‌ ద్వారా వచ్చే ఆదాయంలో 5 శాతాన్ని యువ పారిశ్రామికవేత్తల కోసం ప్రత్యేక నిధికి కేటాయించే ప్రతిపాదనపై ఆర్‌బీఐ, ఇతర భాగస్వాములతో కలిసి పనిచేస్తున్నట్లు ఆయన తెలిపారు. ఈ నిధి మూడేళ్లలో సుమారు రూ.3,000 కోట్లకు చేరే అవకాశం ఉందన్నారు. చిన్న వ్యాపారులు యూపీఐని స్వీకరించేలా ప్రోత్సహించడం, సౌండ్‌బాక్స్‌ల వినియోగాన్ని పెంచడం, డిజిటల్‌ చెల్లింపుల మౌలిక వసతులను విస్తరించడం వంటి కార్యక్రమాలకు ఈ నిధిని వినియోగించనున్నట్లు వెల్లడించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
