టెక్నాలజీ రంగంలో ‘వైబ్ కోడింగ్’ అనే కొత్త పదం వేగంగా ప్రాచుర్యం పొందుతోంది. ఇది ఏఐ ఆధారిత సాధనం, సాఫ్ట్వేర్ అభివృద్ధిని మరింత సులభతరం చేయడమే దీని లక్ష్యం. గూగుల్ సీఈఓ సుందర్ పిచాయ్ నుంచి జోహో వ్యవస్థాపకుడు శ్రీధర్ వెంబు వరకు పలువురు టెక్ దిగ్గజాలు ఈ టూల్ను ప్రశంసిస్తున్నారు.
సాధారణంగా సాఫ్ట్వేర్ తయారీకి పైథాన్, జావాస్క్రిప్ట్ వంటి ప్రోగ్రామింగ్ భాషలు నేర్చుకోవాల్సి ఉంటుంది. కానీ ‘వైబ్ కోడింగ్’తో ఆ అవసరం తగ్గుతుంది. యూజర్ సహజ భాషలో తన అవసరాన్ని చెప్పగానే, ఏఐ సాయంతో అవసరమైన కోడ్ను సృష్టిస్తుంది. దీంతో కొత్త అప్లికేషన్లు, ఫీచర్ల అభివృద్ధి వేగవంతమవుతుంది.
లార్జ్ లాంగ్వేజ్ మోడళ్ల (LLMs) ఆధారంగా పనిచేసే ఈ టెక్నాలజీ, సరైన ప్రాంప్ట్లపై ఆధారపడి ఉంటుంది. యూజర్ ఎంత స్పష్టంగా తన అవసరాన్ని వివరించగలడో, అంత మెరుగైన ఫలితాన్ని పొందవచ్చు.
ఓపెన్ ఏఐ సహ వ్యవస్థాపకుడు ఆండ్రెజ్ కర్పతీ గత ఏడాది ఈ టెక్నాలజీకి ‘వైబ్ కోడింగ్’ అనే పేరు పెట్టారు. అప్పటి నుంచి ఇది టెక్ ప్రపంచంలో కొత్త ట్రెండ్గా మారింది. కోపైలట్, కర్సర్, కోడియం, కోడో, కోడ్విస్పర్, రిప్లిట్ వంటి పలు టూల్స్ ఇప్పటికే ఈ విధానాన్ని అందుబాటులోకి తీసుకొచ్చాయి. మొత్తంగా, కోడింగ్ను అందరికీ సులభతరం చేస్తూ టెక్నాలజీ ప్రపంచంలో వైబ్ కోడింగ్ ఒక కొత్త విప్లవానికి నాంది పలుకుతోంది.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
