సూర్య హీరోగా వెంకీ అట్లూరి దర్శకత్వంలో తెరకెక్కిన ‘విశ్వనాథ్ అండ్ సన్స్’ ఇటీవల ప్రేక్షకుల ముందుకు వచ్చి మంచి విజయాన్ని అందుకుంది. ఫ్యామిలీ ఎంటర్టైనర్గా తెరకెక్కిన ఈ సినిమా థియేటర్లలో ప్రేక్షకాదరణ పొందడంతో పాటు బాక్సాఫీస్ వద్ద కూడా దూసుకెళ్తోంది. అయితే ఈ సినిమా కథకు సంబంధించి సోషల్ మీడియాలో ఓ ఆసక్తికరమైన ప్రచారం జరుగుతోంది. తొలుత ఈ కథను కొందరు తెలుగు హీరోలకు చెప్పగా.. వారు తిరస్కరించారనే వార్తలు వైరల్ అయ్యాయి.
ముఖ్యంగా రవితేజతో పాటు మరికొందరు తెలుగు హీరోలకు వెంకీ అట్లూరి కథ వినిపించారని, వారు నో చెప్పడంతో చివరకు సూర్యతో సినిమా తెరకెక్కిందనే ప్రచారం జరిగింది. తాజాగా ఓ ఇంటర్వ్యూలో ఈ విషయంపై దర్శకుడు స్పందించారు. తెలుగు హీరోలెవరికీ సినిమా పూర్తి కథ చెప్పలేదని స్పష్టం చేశారు.
2020-2022 మధ్య సినీ పరిశ్రమ తీవ్ర ఒడుదొడుకులు ఎదుర్కొందని వెంకీ అట్లూరి తెలిపారు. కరోనా ప్రభావంతో థియేటర్లు మూతపడటంతో కొత్త సినిమాల ప్రారంభం కూడా తగ్గిపోయిందని చెప్పారు. ఆ తర్వాత పరిస్థితులు సాధారణ స్థితికి వచ్చినప్పుడు తాను సంప్రదించిన హీరోలంతా అప్పటికే అంగీకరించిన ప్రాజెక్టులను పూర్తి చేసే పనిలో ఉన్నారని వివరించారు. దీంతో తన కథకు వెంటనే సమయం కేటాయించలేకపోయారని పేర్కొన్నారు.
ఆ తర్వాత ధనుష్, దుల్కర్ సల్మాన్లను సంప్రదించినట్లు వెంకీ అట్లూరి తెలిపారు. అనంతరం తన టీమ్తో కలిసి సూర్యకు కథ చెప్పాలని నిర్ణయించుకున్నామని, అలా కథ ఆయన వద్దకు వెళ్లిందని చెప్పారు. కథ విన్న సూర్య వెంటనే అంగీకరించారని వెల్లడించారు.
సినిమా క్లైమాక్స్ విషయంలో సూర్య కీలకమైన సూచన ఇచ్చినట్లు దర్శకుడు తెలిపారు. హీరోతో పాటు హీరోయిన్ పాత్రకు కూడా క్లైమాక్స్లో ప్రాధాన్యం ఉండేలా చూడాలని సూర్య సూచించారని చెప్పారు. ఆ సలహా సినిమా తుది రూపంలో ఉపయోగపడిందని వెంకీ అట్లూరి పేర్కొన్నారు. ఈ సినిమా అందరికీ నచ్చుతుందని తాను ముందుగానే భావించానని.. అదే విధంగా ప్రేక్షకుల నుంచి స్పందన రావడం ఆనందంగా ఉందని అన్నారు.
మరోవైపు ‘విశ్వనాథ్ అండ్ సన్స్’ బాక్సాఫీస్ వద్ద దూసుకెళ్తోంది. విడుదలైన రెండు రోజుల్లోనే రూ.100 కోట్లకు పైగా వసూళ్లు సాధించిన ఈ చిత్రం.. ఇప్పటివరకు రూ.121 కోట్ల వరకు రాబట్టినట్లు ట్రేడ్ వర్గాలు వెల్లడించాయి. తమిళంలో అత్యధిక వసూళ్లు సాధించిన చిత్రాల జాబితాలో మూడో స్థానానికి చేరినట్లు సమాచారం. ఈ సినిమా ‘కరుప్పు’ (రూ.198 కోట్లు), ‘జన నాయగన్’ (రూ.196 కోట్లు) వసూళ్లను అధిగమిస్తుందనే అంచనాలు వ్యక్తమవుతున్నాయి
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
