చైనా అధ్యక్షుడు జిన్‌పింగ్‌ అమెరికా పర్యటనకు చేరుకున్నారు. వాషింగ్టన్‌ సమీపంలోని జాయింట్‌ బేస్‌ ఆండ్రూస్‌లో ఆయనకు అమెరికా అధ్యక్షుడు డొనాల్డ్‌ ట్రంప్‌, మెలానియా ట్రంప్‌ ఘన స్వాగతం పలికారు. జిన్‌పింగ్‌ దంపతుల కోసం సుమారు 100 అడుగుల రెడ్ కార్పెట్‌ ఏర్పాటు చేయడంతో పాటు మిలిటరీ బ్యాండ్‌ సంగీతాన్ని ఏర్పాటు చేశారు.
ఇద్దరు నేతలు కలిసి ఉన్న సమయంలో రెండు బీ-1 బాంబర్లు ఫ్లైపాస్ట్‌ నిర్వహించాయి. విమానాశ్రయంలో ఆరు ఎఫ్‌-22, ఆరు ఎఫ్‌-16 యుద్ధ విమానాలను కూడా ప్రదర్శనగా ఉంచారు. అమెరికా-చైనా మధ్య వాణిజ్యం, అంతర్జాతీయ సంబంధాలు, కృత్రిమ మేధ వంటి అంశాలపై నెలకొన్న ఉద్రిక్తతల నేపథ్యంలో జిన్‌పింగ్‌ పర్యటన ప్రాధాన్యం సంతరించుకుంది.
మూడు రోజుల పర్యటనలో భాగంగా ట్రంప్‌, జిన్‌పింగ్‌ మధ్య ద్వైపాక్షిక చర్చలు జరగనున్నాయి. ఇరు దేశాలు ప్రత్యర్థులుగా కాకుండా భాగస్వాములుగా ఉండాలని పర్యటనకు ముందు జిన్‌పింగ్‌ పేర్కొన్నారు. వాణిజ్య సంబంధాల్లో నెలకొన్న విభేదాలను తగ్గించడం, అంతర్జాతీయ అంశాలపై పరస్పర అవగాహన పెంచుకోవడం వంటి అంశాలు చర్చల్లో ప్రాధాన్యం పొందే అవకాశం ఉంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
