అరుణాచల్ అడవుల్లో కార్చిచ్చు.. మంటలు అదుపు చేసేందుకు వైమానిక దళం చర్యలు

అరుణాచల్ ప్రదేశ్‌లోని లోహిత్ వ్యాలీ అడవుల్లో భారీ కార్చిచ్చు చెలరేగింది. మంటలను అదుపులోకి తీసుకొచ్చేందుకు భారత వైమానిక దళం రంగంలోకి దిగింది. ఒక్కోసారి 12 వేల లీటర్ల నీటిని తరలించే సామర్థ్యం ఉన్న ఎంఐ-17వీ5 హెలికాప్టర్లతో మంటలపై నీటిని చల్లుతున్నారు. అయితే దాదాపు 9,500 అడుగుల ఎత్తు నుంచి ఈ ఆపరేషన్ నిర్వహించాల్సి రావడంతో తీవ్ర సవాళ్లు ఎదురవుతున్నాయి.

రాష్ట్ర ప్రభుత్వం చేసిన విజ్ఞప్తి మేరకు వైమానిక దళం, అటవీ శాఖ అధికారులు కలిసి సహాయక చర్యలు చేపట్టారు. ఇప్పటివరకు కార్చిచ్చుకు గల కారణాలు తెలియరాలేదు. మంటల వల్ల ప్రాణ, ఆస్తినష్టం జరిగినట్లు సమాచారం లేదు. భద్రతా చర్యలలో భాగంగా చుట్టుపక్కల గ్రామాల ప్రజలను తాత్కాలికంగా సురక్షిత ప్రాంతాలకు తరలించారు.

ఇదే సమయంలో నాగాలాండ్‌లోని కోహిమా జిల్లా జుకో లోయ ప్రాంతంలోనూ, మణిపుర్‌లోని సేనాపతి జిల్లాలోనూ అడవుల్లో మంటలు చెలరేగాయి. వాటిని అదుపు చేసేందుకు రెస్క్యూ బృందాలు నిరంతరం ప్రయత్నాలు కొనసాగిస్తున్నాయి.

Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews