ప్రస్తుత ఆర్థిక సంవత్సరం (2025-26)లో భారత విమానయాన సంస్థల నష్టాలు రూ.17,000–18,000 కోట్ల వరకు చేరవచ్చని రేటింగ్స్ సంస్థ ఇక్రా (ICRA) అంచనా వేసింది. గత ఆర్థిక సంవత్సరం (2024-25)లో నమోదైన రూ.5,500 కోట్ల నష్టాలతో పోలిస్తే ఇది గణనీయమైన పెరుగుదలగా పేర్కొంది.అయితే 2026-27 ఆర్థిక సంవత్సరంలో నష్టాలు కొంత తగ్గి రూ.11,000–12,000 కోట్లకు పరిమితమయ్యే అవకాశం ఉందని ఇక్రా తెలిపింది. దేశీయ విమాన ప్రయాణికుల రద్దీ పెరుగుతుండటం, ఇండిగో కార్యకలాపాలు తిరిగి సాధారణ స్థాయికి రావడం వంటి అంశాలు రంగానికి ఊరట కలిగిస్తాయని ఇక్రా సీనియర్ వైస్ ప్రెసిడెంట్ కింజాల్ షా పేర్కొన్నారు.
అంతర్జాతీయ ప్రయాణాల్లో వృద్ధి
అంతర్జాతీయ విమాన ప్రయాణికుల రద్దీ బలంగా పెరుగుతుందని ఇక్రా అంచనా వేసింది. 2025-26లో 7-9 శాతం, 2026-27లో 8-10 శాతం వృద్ధి నమోదయ్యే అవకాశం ఉందని తెలిపింది. ఇ-వీసా, వీసా ఆన్ అరైవల్ సౌకర్యాల విస్తరణ, ప్రత్యేక పర్యాటక గమ్యస్థానాల అభివృద్ధి వంటి చర్యలు దీనికి దోహదం చేస్తాయని పేర్కొంది.
విమానాల డెలివరీ పెండింగ్
2025 డిసెంబర్ 31 నాటికి దేశీయ విమానయాన సంస్థల వద్ద మొత్తం 865 విమానాలు ఉన్నాయని నివేదిక తెలిపింది. 2026 జనవరి 31 నాటికి సుమారు 1,700 విమానాల డెలివరీ పెండింగ్లో ఉందని వెల్లడించింది.రాబోయే పదేళ్లలో ఈ విమానాలు కంపెనీలకు సరఫరా అయ్యే అవకాశముంది.నష్టాలు పెరిగే అవకాశం ఉన్నప్పటికీ, దేశీయ విమానయాన రంగంపై ‘స్థిరత్వం’తో కూడిన అంచనానే కొనసాగిస్తున్నట్లు ఇక్రా స్పష్టం చేసింది.
Andhra pradesh Andhrapradesh AndhraPradeshNews APNews APPolitics Breaking news BreakingNews BusinessNews ChandrababuNaidu CricketNews CrimeNews Geopolitics governance Government India IndiaNews LawAndOrder Movies News news24 newsalert NewsToday NewsUpdate PoliticalNews PoliticalUpdate PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
