సూపర్ సౌండ్‌తో గెలాక్సీ బడ్స్‌ 4, బడ్స్‌ 4 ప్రొ మార్కెట్లోకి!

సామ్‌సంగ్‌ తన తాజా గెలాక్సీ ఎస్‌26 సిరీస్‌ ఫోన్లతో పాటు కొత్త వైర్‌లెస్‌ ఇయర్‌బడ్‌లను కూడా మార్కెట్లోకి తీసుకొచ్చింది. గెలాక్సీ బడ్స్‌ 4 మరియు గెలాక్సీ బడ్స్‌ 4 ప్రొ పేర్లతో వచ్చిన ఈ బడ్స్‌ వినియోగదారులకు మెరుగైన ఆడియో అనుభూతిని అందించేందుకు రూపొందించారు.

తేలికైన డిజైన్‌, సౌకర్యవంతమైన వినియోగం
రోజంతా ధరించినా చెవులకు ఇబ్బంది కలగకుండా బ్లేడ్‌ స్టైల్‌ డిజైన్‌తో వీటిని తయారు చేశారు. గెలాక్సీ బడ్స్‌ 4 బరువు 4.6 గ్రాములు కాగా, బడ్స్‌ 4 ప్రొ సుమారు 5.1 గ్రాములు బరువు ఉంటుంది. దుమ్ము, నీటిని తట్టుకునేలా బడ్స్‌ 4కి IP54, బడ్స్‌ 4 ప్రొకి IP57 రేటింగ్ ఇచ్చారు.

కేస్‌ డిజైన్‌లో కొత్త మార్పులు
ఇయర్‌బడ్‌ల కేస్‌ను మరింత చదునుగా రూపొందించి, మూతను పారదర్శకంగా తయారు చేశారు. దీంతో పై నుంచి చూసినా బడ్స్‌ కనిపిస్తాయి. అవి సరిగ్గా కేస్‌లో ఉన్నాయో లేదో సులభంగా తెలుసుకోవచ్చు.

అద్భుతమైన ఆడియో నాణ్యత
గెలాక్సీ బడ్స్‌ 4 ప్రొలో పెద్ద వూఫర్‌తో పాటు 24-bit / 96kHz హై-రెజల్యూషన్ ఆడియో సపోర్ట్‌ ఉంది. దీని వల్ల శబ్దం మరింత లోతుగా, స్పష్టంగా వినిపిస్తుంది. ఇందులో 6 మైక్రోఫోన్లు ఉండటం ప్రత్యేకత.

అడ్వాన్స్‌ ఫీచర్లు
ఈ బడ్స్‌లో అడాప్టివ్ యాక్టివ్ నాయిస్ క్యాన్సెలేషన్ (ANC), ఈక్వలైజర్ వంటి ఫీచర్లు ఉన్నాయి. అలాగే హ్యాండ్స్‌ ఫ్రీ టెక్నాలజీతో తలను కదిలించటం ద్వారా కాల్‌ను స్వీకరించవచ్చు లేదా తిరస్కరించవచ్చు.

బ్యాటరీ సామర్థ్యం
గెలాక్సీ బడ్స్‌ 4 ప్రొలో 51mAh బ్యాటరీ, కేస్‌లో 530mAh బ్యాటరీ ఉంటుంది. దీంతో బడ్స్‌తో 7 గంటలు, కేస్‌తో కలిపి 30 గంటల వరకు ఆడియో ప్లేబ్యాక్‌ సాధ్యమవుతుంది.
గెలాక్సీ బడ్స్‌ 4లో 45mAh బ్యాటరీ, కేస్‌లో 515mAh బ్యాటరీ ఉంటుంది. దీంతో బడ్స్‌తో 6 గంటలు, కేస్‌తో కలిపి 30 గంటల వరకు వినియోగించుకోవచ్చు.

ధరలు