భారత విమానయాన రంగం భవిష్యత్తులో మరింత వేగంగా అభివృద్ధి చెందనుందని నవీ ముంబయి ఇంటర్నేషనల్ ఎయిర్పోర్ట్ (NMIA) సీఈఓ బీవీజేకే శర్మ తెలిపారు. 2030 నాటికి దేశంలో వార్షిక ప్రయాణికుల సంఖ్య 50 కోట్లకు చేరుతుందని ఆయన అంచనా వేశారు.
2047 నాటికి ఈ సంఖ్య 100 కోట్లకు చేరే అవకాశం ఉందని ఆయన పేర్కొన్నారు. ప్రస్తుతం భారత్ ప్రపంచంలో అగ్రగామి మూడు విమానయాన మార్కెట్లలో ఒకటిగా నిలిచిందని తెలిపారు.
2025లో భారత్ 41.2 కోట్ల మంది ప్రయాణికులను, 35 లక్షల టన్నుల సరకు రవాణాను నిర్వహించిందని ఆయన చెప్పారు. ఇది కొవిడ్కు ముందు కాలంతో పోలిస్తే 20 శాతం ఎక్కువ అని వివరించారు. దేశీయ విమాన సంస్థలు 1000కి పైగా కొత్త విమానాల కోసం ఆర్డర్లు ఇచ్చినట్లు ఆయన పేర్కొన్నారు. ఇది రంగ అభివృద్ధికి పెద్ద బలం అవుతుందని అన్నారు.
విమానయాన రంగం ప్రస్తుతం భారత ఆర్థిక వ్యవస్థకు సుమారు 54 బిలియన్ డాలర్లు (రూ.5 లక్షల కోట్లకు పైగా) సహకారం అందిస్తోందని, లక్షల ఉద్యోగాలు సృష్టిస్తున్నదని తెలిపారు. నవీ ముంబయి అంతర్జాతీయ విమానాశ్రయం సామర్థ్యాన్ని 2032 నాటికి దశలవారీగా 9 కోట్ల ప్రయాణికులకు పెంచే ప్రణాళిక ఉందని ఆయన వెల్లడించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
