వరుసగా 3 రోజుల నష్టాల తర్వాత, సోమవారం దేశీయ సూచీలు మళ్లీ బలంగా పుంజుకున్నాయి. సానుకూల అంతర్జాతీయ సంకేతాలు, రిలయన్స్ ఇండస్ట్రీస్, సన్ఫార్మా షేర్లు పరుగులు తీయడం కలిసొచ్చింది. డాలర్తో పోలిస్తే రూపాయి విలువ పైసా పెరిగి 94.15 వద్ద ముగిసింది. బ్యారెల్ ముడిచమురు 3.5% లాభంతో 109 డాలర్ల వద్ద ట్రేడవుతోంది.
- బీఎస్ఈలోని నమోదిత కంపెనీల మార్కెట్ విలువ రూ.6.42 లక్షల కోట్లు పెరిగి రూ.467.91 లక్షల కోట్ల (4.97 లక్షల కోట్ల డాలర్ల)కు చేరింది.
- సెన్సెక్స్ ఉదయం 192 పాయింట్ల (క్రితం ముగింపు 76,664.21) లాభంతో 76,856.05 పాయింట్ల వద్ద ప్రారంభమైంది. కొనుగోళ్ల మద్దతుతో అదే జోరు కొనసాగించిన సూచీ, ఇంట్రాడేలో 755.83 పాయింట్లు పెరిగి 77,420.04 వద్ద గరిష్ఠాన్ని తాకింది. చివరకు 639.42 పాయింట్ల లాభంతో 77,303.63 వద్ద ముగిసింది. నిఫ్టీ 194.75 పాయింట్లు రాణించి 24,092.70 దగ్గర స్థిరపడింది. ఇంట్రాడేలో ఈ సూచీ 23,936.20- 24,130.70 పాయింట్ల మధ్య కదలాడింది.
- సెన్సెక్స్ 30 షేర్లలో 24 లాభపడ్డాయి. రిలయన్స్ 2.88%, అదానీ పోర్ట్స్ 2.72%, టెక్ మహీంద్రా 2.64%, ఎం అండ్ ఎం 2.13%, ఎన్టీపీసీ 2.12%, హెచ్సీఎల్ టెక్ 2.12%, టీసీఎస్ 2.09%, టాటా స్టీల్ 1.67% రాణించాయి. బీఈఎల్ 2%, ట్రెంట్ 0.90%, ఐసీఐసీఐ బ్యాంక్ 0.85% నష్టపోయాయి.
- పేటీఎం పేమెంట్స్ బ్యాంక్ లైసెన్స్ను ఆర్బీఐ రద్దు చేయడంతో మాతృసంస్థ వన్97 కమ్యూనికేషన్స్ షేరు ఇంట్రాడేలో 8.37% క్షీణించి రూ.1051.05 వద్ద కనిష్ఠానికి పడిపోయింది. మళ్లీ కోలుకుని చివరకు 1.48% నష్టంతో రూ.1130.15 వద్ద ముగిసింది.
- మార్చి త్రైమాసిక ఫలితాలు నిరుత్సాహపరచడంతో యాక్సిస్ బ్యాంక్ షేరు 3.05% తగ్గి రూ.1324.50 దగ్గర స్థిరపడింది. బ్యాంక్ మార్కెట్ విలువ రూ.12,877.91 కోట్లు ఆవిరై రూ.4.11 లక్షల కోట్లకు పరిమితమైంది.
- అమెరికా సంస్థ ఆర్గానన్ను కొనుగోలు చేయనున్నట్లు ప్రకటించడంతో సన్ఫార్మా షేరు 7.03% దూసుకెళ్లి రూ.1733.80 వద్ద ముగిసింది. కంపెనీ మార్కెట్ విలువ రూ.27,306.64 కోట్లు పెరిగి రూ.4.15 లక్షల కోట్లకు చేరింది.
- ఫ్లిప్కార్ట్కు చెందిన ఆన్లైన్ ట్రావెల్ ప్లాట్ఫామ్ క్లియర్ట్రిప్.. రైలు టికెట్ల బుకింగ్ విభాగంలోకి అడుగుపెట్టింది. ఇందుకోసం ఐఆర్సీటీసీతో ఒప్పందం చేసుకుంది.
- వన్ మొబిక్విక్ సిస్టమ్స్ బ్యాంకింగేతర ఆర్థిక సంస్థ (ఎన్బీఎఫ్సీ)గా ఆర్బీఐ నుంచి లైసెన్స్ పొందినట్లు తెలిపింది.
Andhra pradesh Andhrapradesh APNews APPolitics Breaking news BreakingNews BusinessNews ChandrababuNaidu CricketNews CrimeNews Geopolitics governance Government India IndiaNews LatestNews LawAndOrder Movies News news24 newsalert NewsToday NewsUpdate PoliticalNews PoliticalUpdate PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
