National Testing Agency దేశవ్యాప్తంగా నిర్వహించిన NEET UG 2026 పరీక్షను రద్దు చేస్తున్నట్లు ప్రకటించింది. రాజస్థాన్లో ప్రశ్నాపత్రం లీకైనట్లు వెలుగులోకి రావడంతో ఈ నిర్ణయం తీసుకుంది.విద్యార్థుల ప్రయోజనాలు, జాతీయ పరీక్షా వ్యవస్థపై ప్రజల విశ్వాసాన్ని కాపాడేందుకే పరీక్షను రద్దు చేస్తున్నట్లు ఎన్టీఏ తెలిపింది. త్వరలోనే కొత్త పరీక్ష తేదీలను ప్రకటిస్తామని, అభ్యర్థులు మళ్లీ రిజిస్ట్రేషన్ చేయాల్సిన అవసరం లేదని స్పష్టం చేసింది. పరీక్ష ఫీజు కూడా మళ్లీ చెల్లించనక్కర్లేదని వెల్లడించింది.
ప్రశ్నాపత్రం లీకేజీ వ్యవహారంపై Central Bureau of Investigation దర్యాప్తు కొనసాగుతోంది. రాజస్థాన్లోని సికార్ ప్రాంతంలో పరీక్షకు 42 గంటల ముందే వాట్సాప్ ద్వారా ప్రాక్టీస్ పేపర్ పేరుతో ప్రశ్నలు చక్కర్లు కొట్టినట్లు అధికారులు గుర్తించారు.ఆ మెటీరియల్లోని కెమిస్ట్రీ ప్రశ్నలు అసలు నీట్ పరీక్షలో వచ్చిన ప్రశ్నలతో సరిపోవడం తీవ్ర అనుమానాలకు దారితీసింది. ఫిజిక్స్, కెమిస్ట్రీ, బయాలజీకి సంబంధించిన 300కు పైగా చేతిరాత ప్రశ్నలు ఉన్నట్లు పోలీసులు వెల్లడించారు.
దర్యాప్తులో కేరళకు చెందిన ఓ ఎంబీబీఎస్ విద్యార్థి ఈ మెటీరియల్ను సికార్లోని తన స్నేహితుడికి అందించినట్లు తేలింది. ఆ తర్వాత కోచింగ్ సెంటర్లు, పీజీ హాస్టళ్లు, కెరీర్ కౌన్సిలర్ల ద్వారా విద్యార్థులకు చేరినట్లు గుర్తించారు. ప్రశ్నాపత్రాలను రూ.20 వేల నుంచి రూ.2 లక్షల వరకు విక్రయించినట్లు సమాచారం. ఇప్పటికే పలువురు అనుమానితులను పోలీసులు అరెస్ట్ చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
