ఒడిశా రాష్ట్రంలోని పూరీ సముద్ర తీరంలో ప్రమాదంలో చిక్కుకున్న ఆంధ్రప్రదేశ్కు చెందిన పది మంది మత్స్యకారులను అక్కడి మెరైన్ పోలీసులు సురక్షితంగా రక్షించారు. విజయనగరం జిల్లా పూసపాటిరేగ మండలం చింతపల్లి గ్రామానికి చెందిన ఈ మత్స్యకారులు నాలుగు రోజుల క్రితం కాకినాడ హార్బర్ నుంచి మెకనైజ్డ్ ఫిషింగ్ బోటులో చేపల వేటకు బయలుదేరారు.
సముద్రంలో వేట కొనసాగుతుండగా వారి బోటు ఇంజిన్ అకస్మాత్తుగా పాడైపోయింది. దీంతో వారు పూరీ తీరానికి సుమారు మూడు కిలోమీటర్ల దూరంలో సముద్రంలో చిక్కుకుపోయారు. పరిస్థితి ప్రమాదకరంగా మారడంతో వెంటనే వారు సంబంధిత అధికారులకు సమాచారం అందించారు.
సమాచారం అందుకున్న వెంటనే పూరీ ఎస్పీ మార్గదర్శకత్వంలో బలియాపొండ, పెంటకోట మెరైన్ పోలీసులు సహాయక చర్యలు ప్రారంభించారు. సముద్రంలోకి చేరుకున్న బృందం బోటులో చిక్కుకున్న మత్స్యకారులను సురక్షితంగా బయటకు తీసుకువచ్చింది. బోటు యజమాని దానయ్యతో పాటు మొత్తం పది మందిని క్షేమంగా ఒడ్డుకు చేర్చారు.
ఈ ఘటనపై ఆంధ్రప్రదేశ్ మంత్రులు అచ్చెన్నాయుడు, కొండపల్లి శ్రీనివాస్తో పాటు ఎంపీ కలిశెట్టి అప్పలనాయుడు హర్షం వ్యక్తం చేశారు. మత్స్యకారులను సురక్షితంగా రక్షించిన ఒడిశా మెరైన్ పోలీసులను ప్రశంసించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndianCinema IndiaNews InternationalNews LatestNews LawAndOrder MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
