స్నేహితుడికి సహాయం చేసేందుకు బైక్పై వెళ్లిన ఓ యువకుడు రోడ్డు ప్రమాదంలో ప్రాణాలు కోల్పోయిన విషాద ఘటన ఖమ్మం–బోనకల్లు రహదారిపై చోటుచేసుకుంది. ఎన్టీఆర్ జిల్లా వత్సవాయికి చెందిన కొలికపోగు లక్ష్మణ్ (28) బైక్ మెకానిక్గా పనిచేస్తున్నారు. చింతకాని మండలం నాగులవంచలోని పెట్రోల్ బంక్లో పనిచేసే ఆయన స్నేహితుడు తిరుపతిరావు ఇంటికి వెళ్లేందుకు వాహనం లేకపోవడంతో లక్ష్మణ్కు ఫోన్ చేశారు. దీంతో మరో మిత్రుడు సైదులుతో కలిసి లక్ష్మణ్ బైక్పై నాగులవంచకు వెళ్లారు.
అనంతరం ముగ్గురూ కలిసి తిరిగి వస్తుండగా ముష్టికుంట్ల సమీపంలోని రహదారి మలుపు వద్ద ఎదురుగా వచ్చిన గుర్తుతెలియని వాహనం వారి బైక్ను వేగంగా ఢీకొట్టి ఆగకుండా వెళ్లిపోయింది. ఈ ప్రమాదంలో ముగ్గురూ తీవ్రంగా గాయపడ్డారు. వర్షం కురుస్తుండటం, రహదారిపై రాకపోకలు తక్కువగా ఉండటంతో ఘటనపై పోలీసులకు సమాచారం ఆలస్యంగా అందింది. పోలీసులు క్షతగాత్రులను ఆసుపత్రికి తరలించగా.. అప్పటికే లక్ష్మణ్ మృతి చెందినట్లు వైద్యులు నిర్ధారించారు. మిగిలిన ఇద్దరికి చికిత్స కొనసాగుతోంది. ఘటనపై పోలీసులు కేసు నమోదు చేసి దర్యాప్తు చేస్తున్నారు. లక్ష్మణ్కు భార్య, ఇద్దరు కుమారులు ఉన్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
