ఇంటర్నెట్ డెస్క్: ప్రముఖ స్మార్ట్ఫోన్ తయారీ సంస్థ శాంసంగ్ భారత మార్కెట్లో మరో కొత్త 5జీ ఫోన్ను విడుదల చేసింది. Samsung Galaxy F70 Pro 5G పేరుతో తీసుకొచ్చిన ఈ స్మార్ట్ఫోన్ 6000mAh భారీ బ్యాటరీ, 120Hz సూపర్ అమోలెడ్ డిస్ప్లే, 50MP కెమెరా వంటి ఫీచర్లతో ఆకట్టుకుంటోంది. ఈ ఫోన్కు ఆరేళ్ల పాటు ఆపరేటింగ్ సిస్టమ్, ఆరేళ్ల సెక్యూరిటీ అప్డేట్స్ అందించనున్నట్లు కంపెనీ తెలిపింది.
డిస్ప్లే, ప్రాసెసర్ ఇలా..
గెలాక్సీ F70 ప్రోలో 6.7 అంగుళాల ఫుల్ హెచ్డీ+ సూపర్ అమోలెడ్ డిస్ప్లేను అందించారు. ఇది 120Hz రిఫ్రెష్ రేట్తో పనిచేస్తుంది. ఆండ్రాయిడ్ 16 ఆధారిత One UI 8.5 యూజర్ ఇంటర్ఫేస్తో ఫోన్ పనిచేస్తుంది. స్నాప్డ్రాగన్ 6 జెన్ 3 ప్రాసెసర్, కార్నింగ్ గొరిల్లా విక్టస్+ రక్షణను ఇందులో అందించారు.
కెమెరా, బ్యాటరీ
ఫోన్ వెనుక భాగంలో ట్రిపుల్ కెమెరా సెటప్ ఉంది. ఇందులో 50MP OIS ప్రధాన కెమెరా, 5MP అల్ట్రా వైడ్ యాంగిల్ కెమెరా, 2MP మాక్రో కెమెరా ఉన్నాయి. సెల్ఫీలు, వీడియో కాల్స్ కోసం ముందు భాగంలో 12MP HDR కెమెరాను అందించారు.6000mAh బ్యాటరీతో వస్తున్న ఈ ఫోన్కు 45W వైర్డ్ ఫాస్ట్ ఛార్జింగ్ సపోర్ట్ ఉంది. అయితే ఛార్జింగ్ అడాప్టర్ను ప్రత్యేకంగా కొనుగోలు చేయాల్సి ఉంటుంది. డైరెక్ట్ వాయిస్మెయిల్, గూగుల్ జెమినై, ఏఐ వాయిస్ ట్రాన్స్క్రిప్షన్ వంటి ఫీచర్లు కూడా ఇందులో ఉన్నాయి.
మూడు వేరియంట్లలో ధరలు
Samsung Galaxy F70 Pro మూడు స్టోరేజ్ వేరియంట్లలో లభిస్తుంది.
- 6GB RAM + 128GB: రూ.25,999
- 8GB RAM + 128GB: రూ.29,999
- 8GB RAM + 256GB: రూ.34,999
ప్రారంభ ఆఫర్లో భాగంగా 6GB+128GB వేరియంట్ను రూ.23,999కే కొనుగోలు చేసే అవకాశం ఉంది. ఆగస్టు 8 నుంచి ఫ్లిప్కార్ట్, శాంసంగ్ ఇండియా ఆన్లైన్ స్టోర్, ఎంపిక చేసిన రిటైల్ స్టోర్లలో విక్రయాలు ప్రారంభం కానున్నాయి. ఈ ఫోన్ ఆల్ఫా బ్లాక్, ఆరా గ్రీన్ రంగుల్లో అందుబాటులో ఉంటుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
