దేశవ్యాప్తంగా పెరుగుతున్న డిజిటల్, సైబర్ ఆర్థిక మోసాలపై సుప్రీంకోర్టు కీలక ఆదేశాలు జారీ చేసింది. ప్రజలను లక్ష్యంగా చేసుకుని జరుగుతున్న ఆన్లైన్ మోసాలను అరికట్టేందుకు బ్యాంకింగ్, దర్యాప్తు వ్యవస్థలు మరింత సమన్వయంతో పనిచేయాలని స్పష్టం చేసింది. ముఖ్యంగా మోసాలకు వేదికగా మారుతున్న ‘మ్యూల్ అకౌంట్లు’పై ఏకరీతి చర్యలు తీసుకునేందుకు నాలుగు వారాల్లో ప్రామాణిక మార్గదర్శకాలను రూపొందించి దేశవ్యాప్తంగా అమలు చేయాలని భారతీయ రిజర్వు బ్యాంకు (ఆర్బీఐ)ను ఆదేశించింది.
ప్రధాన న్యాయమూర్తి జస్టిస్ సూర్యకాంత్, జస్టిస్ జోయ్మాల్యా బాగ్చీ, జస్టిస్ వి. మోహన్లతో కూడిన ధర్మాసనం.. సైబర్ నేరాలపై కేంద్ర ప్రభుత్వం సమర్పించిన నివేదికలను పరిశీలించి ఈ మధ్యంతర ఉత్తర్వులు ఇచ్చింది. సైబర్ మోసాల దర్యాప్తు వేగవంతం చేయడంతో పాటు బాధితులు కోల్పోయిన నగదు తిరిగి పొందే ప్రక్రియను మరింత సమర్థంగా అమలు చేయాలని సూచించింది.
అలాగే కేంద్ర హోంశాఖ ఆధ్వర్యంలోని నేషనల్ సైబర్ క్రైమ్ రిపోర్టింగ్ పోర్టల్లో ఫిర్యాదుల పరిష్కారం, బాధితుల డబ్బు పునరుద్ధరణ కోసం ప్రత్యేక మాడ్యూళ్లను మరింత సమర్థంగా అమలు చేయాలని పేర్కొంది. ఈ సేవలపై ప్రజల్లో అవగాహన పెంచేందుకు విస్తృత ప్రచారం చేపట్టాలని కూడా సూచించింది.
స్టేట్ సైబర్ కోఆర్డినేషన్ సెంటర్లు, ఈ-జీరో ఎఫ్ఐఆర్ల అమలు విషయంలో ఇంకా అన్ని రాష్ట్రాలు ముందుకు రాలేదని ధర్మాసనం గమనించింది. ఇప్పటివరకు కేవలం 18 రాష్ట్రాలు మాత్రమే ఈ చర్యలను అమలు చేశాయని పేర్కొంటూ, మిగతా రాష్ట్రాలు కూడా వేగంగా చర్యలు తీసుకోవాలని సూచించింది. సైబర్ నేరాల నియంత్రణలో కేంద్రం, రాష్ట్రాలు, బ్యాంకులు, దర్యాప్తు సంస్థలు సమన్వయంతో పనిచేస్తేనే ప్రజలకు సమర్థ రక్షణ కల్పించగలమని సుప్రీంకోర్టు స్పష్టం చేసింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
