దేశ రాజధాని ఢిల్లీలో స్వాతంత్ర్య దినోత్సవ వేడుకలకు ముందు బెదిరింపు ఈ-మెయిల్ కలకలం రేపింది. ఢిల్లీ హైకోర్టుకు వచ్చిన ఓ ఈ-మెయిల్లో ఆగస్టు 15న ఎర్రకోట వద్ద బాంబు పేలుళ్లకు పాల్పడతామని ఆగంతకులు హెచ్చరించినట్లు సమాచారం.
ప్రధాని నరేంద్ర మోదీ ఎర్రకోట నుంచి జాతిని ఉద్దేశించి ప్రసంగించే సమయంలోనే దాడులకు పాల్పడతామని మెయిల్లో పేర్కొన్నట్లు తెలుస్తోంది. పోలీసు యూనిఫామ్లో అసాంఘిక శక్తులు లేదా ఉగ్రవాదులు ఎర్రకోట ప్రాంగణంలోకి ప్రవేశించి దాడులకు పాల్పడే అవకాశం ఉందని కూడా హెచ్చరికలు జారీ చేసినట్లు సమాచారం.
1984 సిక్కు వ్యతిరేక హింసాకాండకు బాధ్యులైన రాజకీయ నేతలపై కఠిన చర్యలు తీసుకోవాలని ఈ-మెయిల్లో డిమాండ్ చేసినట్లు తెలుస్తోంది. తమ డిమాండ్లను పట్టించుకోకపోతే తీవ్ర పరిణామాలు ఎదుర్కోవాల్సి ఉంటుందని హెచ్చరించినట్లు సమాచారం.
బెదిరింపు మెయిల్ వెలుగులోకి వచ్చిన వెంటనే ఢిల్లీ పోలీసులు అప్రమత్తమయ్యారు. బాంబ్ స్క్వాడ్, ఇంటెలిజెన్స్ విభాగాలు రంగంలోకి దిగాయి. స్వాతంత్ర్య దినోత్సవ వేడుకలు జరగనున్న ఎర్రకోట పరిసర ప్రాంతాల్లో భద్రతను మరింత కట్టుదిట్టం చేశారు.
మరోవైపు బెదిరింపు ఈ-మెయిల్ ఎక్కడి నుంచి వచ్చింది, దాని వెనుక ఉన్న వ్యక్తులు లేదా సంస్థల వివరాలు ఏమిటనే అంశాలపై దర్యాప్తు కొనసాగుతోంది. మెయిల్ పంపిన వారి ఐపీ అడ్రస్, ఇతర సాంకేతిక వివరాలను సైబర్ క్రైమ్ పోలీసులు పరిశీలిస్తున్నారు.
పోలీసు యూనిఫామ్లో దాడికి పాల్పడే అవకాశం ఉందన్న హెచ్చరిక నేపథ్యంలో భద్రతా విధుల్లో ఉన్న సిబ్బంది గుర్తింపు కార్డులను మరోసారి పరిశీలించడంతో పాటు తనిఖీలను ముమ్మరం చేశారు. ఎర్రకోట పరిసరాల్లో అనుమానాస్పద వ్యక్తులు, వస్తువులపై ప్రత్యేక నిఘా ఏర్పాటు చేశారు.
అయితే బెదిరింపు మెయిల్ నిజమైనదా, ఆకతాయిల చర్యా అనే అంశాన్ని నిర్ధారించేందుకు అధికారులు దర్యాప్తు చేస్తున్నారు. స్వాతంత్ర్య దినోత్సవ వేడుకలను దృష్టిలో ఉంచుకుని భద్రతా సంస్థలు అన్ని కోణాల్లో అప్రమత్తంగా వ్యవహరిస్తున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
