పచ్చని చెట్ల నీడన.. అక్షరాల వేట

ఈ పఠన సంస్కృతికి ప్రధానంగా యువత నుంచి మంచి స్పందన లభిస్తోంది. పోటీ పరీక్షలకు సిద్ధమయ్యే విద్యార్థులు, ఉద్యోగులు, పుస్తక ప్రియులు తమకు అనుకూలమైన సమయాన్ని ఎంచుకుని పార్కులకు వస్తున్నారు. కొందరు ఒంటరిగా చదువుకుంటుండగా.. మరికొందరు స్నేహితులతో కలిసి పుస్తకాలపై చర్చిస్తున్నారు. నవలలు, జీవిత చరిత్రలు, సాహిత్య పుస్తకాలతోపాటు పోటీ పరీక్షల మెటీరియల్‌ కూడా పార్కుల్లో కనిపిస్త

చేతిలో మొబైల్‌.. కళ్ల ముందు స్క్రీన్‌ అనే పరిస్థితికి భిన్నంగా పుస్తక పఠనం వైపు యువత ఆసక్తి చూపుతోంది. కొద్దిసేపైనా ఫోన్‌కు దూరంగా ఉండి పుస్తకంపై దృష్టి పెట్టేందుకు పార్కు వాతావరణం సహకరిస్తోందని పలువురు చెబుతున్నారు. ప్రకృతి మధ్య కూర్చోవడం వల్ల ఒత్తిడి తగ్గడంతోపాటు చదివిన విషయాలను గుర్తుంచుకోవడంలోనూ ఉపయోగకరంగా ఉంటుందని అభిప్రాయపడుతున్నారు.

రీడింగ్‌ క్లబ్‌ల ద్వారా పుస్తక పఠనానికి సామాజిక కోణం జతవుతోంది. ఒకరు చదివిన పుస్తకాన్ని మరొకరికి పరిచయం చేయడం, నచ్చిన అంశాలను వివరించడం, పుస్తకంలోని పాత్రలు లేదా భావజాలంపై చర్చించడం వంటి కార్యక్రమాలు నిర్వహిస్తున్నారు. దీంతో పుస్తకం చదవడం మాత్రమే కాకుండా.. ఆలోచనలను వ్యక్తపరచడం, ఇతరుల అభిప్రాయాలను గౌరవించడం వంటి నైపుణ్యాలు కూడా పెరుగుతున్నాయి..

ఖరీదైన కేఫ్‌లు, ప్రత్యేక రీడింగ్‌ స్పేస్‌లకు వెళ్లాల్సిన అవసరం లేకుండా పార్కులు ఉచిత పఠన వేదికలుగా మారుతున్నాయి. ముఖ్యంగా విద్యార్థులకు ఇది అందుబాటులో ఉండే ప్రత్యామ్నాయంగా నిలుస్తోంది. కుటుంబ సభ్యులతో పార్కుకు వచ్చే వారు సైతం కొద్దిసేపు పుస్తకంతో గడిపే అలవాటును పెంచుకుంటున్నారు.

రీడింగ్‌ క్లబ్‌లలో ఏర్పడుతున్న పరిచయాలు కూడా ఈ సంస్కృతికి మరో ప్రత్యేకత. ఒకే పుస్తకం చదివిన వారంతా దానిపై చర్చించడం ద్వారా కొత్త విషయాలు తెలుసుకుంటున్నారు. ఒకరి పఠన అభిరుచి మరొకరికి కొత్త రచయితలను, కొత్త పుస్తకాలను పరిచయం చేస్తోంది. ఇలా వ్యక్తిగతంగా మొదలైన పుస్తక పఠనం క్రమంగా సామూహిక కార్యక్రమంగా మారుతోంది.