టీమిండియా చీఫ్ సెలెక్టర్ అజిత్ అగార్కర్ భవిష్యత్తుపై ఉత్కంఠ కొనసాగుతోంది. ఆయన పదవీకాలం అక్టోబర్ 4తో ముగియనుండగా.. మరోసారి పొడిగింపు లభిస్తుందా లేదా అన్నదానిపై ఇప్పటివరకు బీసీసీఐ నుంచి స్పష్టత రాలేదు. అయితే తాజా రిపోర్టుల ప్రకారం అగార్కర్కు పొడిగింపు దక్కే అవకాశాలు తగ్గినట్లు తెలుస్తోంది. శుక్రవారం జరగనున్న బీసీసీఐ వార్షిక సాధారణ సమావేశంలో ఈ అంశంపై చర్చ జరిగే అవకాశం ఉంది.
2027 వన్డే ప్రపంచకప్కు ఇంకా సమయం ఉండటంతో కొత్త చీఫ్ సెలెక్టర్ను నియమించేందుకు ఇదే సరైన సమయమని బీసీసీఐలోని ఓ వర్గం భావిస్తున్నట్లు సమాచారం. ఇప్పటికే అగార్కర్ నేతృత్వంలోని సెలక్షన్ కమిటీ వెస్టిండీస్తో జరగనున్న పరిమిత ఓవర్ల సిరీస్కు భారత జట్లను ఎంపిక చేసింది. దీంతో ఆ సమావేశమే ఆయన చీఫ్ సెలెక్టర్గా చివరి ఎంపిక సమావేశం కావచ్చన్న ప్రచారం కూడా జరుగుతోంది.
అగార్కర్కు పొడిగింపు లభించని పక్షంలో ఆయన స్థానాన్ని భర్తీ చేసేందుకు మాజీ భారత క్రికెటర్లు పార్థివ్ పటేల్, ప్రజ్ఞాన్ ఓఝా పేర్లు ప్రముఖంగా వినిపిస్తున్నాయి. ఇద్దరూ భారత జట్టుకు ప్రాతినిధ్యం వహించిన అనుభవం ఉన్నవారే.
ప్రజ్ఞాన్ ఓఝా ప్రస్తుతం బీసీసీఐ పురుషుల సెలక్షన్ కమిటీలో సభ్యుడిగా ఉన్నారు. గత బీసీసీఐ వార్షిక సమావేశంలో ఆయనను సెలక్షన్ కమిటీలోకి తీసుకున్నారు. దీంతో సెలక్షన్ వ్యవస్థపై ఇప్పటికే అనుభవం ఉండటం ఆయనకు కీలక అంశంగా మారింది.
మరోవైపు పార్థివ్ పటేల్ వికెట్కీపర్-బ్యాటర్గా భారత జట్టుకు ప్రాతినిధ్యం వహించారు. ఐపీఎల్లో ఆటగాడిగా అనుభవం సంపాదించడంతో పాటు కోచింగ్ బాధ్యతల్లోనూ పనిచేశారు. దీంతో చీఫ్ సెలెక్టర్ పదవికి ఆయన పేరు కూడా పరిశీలనలో ఉన్నట్లు రిపోర్టులు పేర్కొంటున్నాయి.
అయితే అగార్కర్ స్థానంలో ఎవరిని నియమించాలన్న దానిపై బీసీసీఐ తుది నిర్ణయం తీసుకోవాల్సి ఉంది. ప్రస్తుతం పార్థివ్ పటేల్, ప్రజ్ఞాన్ ఓఝా పేర్లు ప్రధానంగా వినిపిస్తున్నప్పటికీ.. అధికారిక ప్రకటన వచ్చే వరకు దీనిపై స్పష్టత ఉండదు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
