ప్రపంచ ఫుట్బాల్లో వ్యక్తిగతంగా అత్యంత ప్రతిష్ఠాత్మకంగా భావించే బాలెన్ డి ఓర్ 2026 అవార్డుపై ఉత్కంఠ నెలకొంది. ఈసారి 30 మంది ఆటగాళ్లతో కూడిన షార్ట్లిస్ట్ సిద్ధమైంది. ఎనిమిదిసార్లు ఈ ప్రతిష్ఠాత్మక పురస్కారాన్ని గెలుచుకున్న లియోనెల్ మెస్సీ మరోసారి రేసులో ఉండటం ఆసక్తిని పెంచుతోంది. యువ సంచలనం లామినె యమాల్, ఫ్రాన్స్ స్టార్ కైలియన్ ఎంబాపె, నార్వే గోల్ మెషీన్ ఎర్లింగ్ హాలాండ్, బ్రెజిల్ స్టార్ వినిసియస్ జూనియర్ వంటి ఆటగాళ్లు కూడా పోటీలో ఉన్నారు.
బాలెన్ డి ఓర్ విజేతను అంతర్జాతీయ ఫుట్బాల్ జర్నలిస్టుల జ్యూరీ ఓటింగ్ ద్వారా ఎంపిక చేస్తుంది. ఫిఫా ర్యాంకింగ్స్లో టాప్-100 దేశాలకు చెందిన ఒక్కో జర్నలిస్టుకు ఓటు వేసే అవకాశం ఉంటుంది. షార్ట్లిస్ట్లోని 30 మంది ఆటగాళ్లలో ప్రతి జర్నలిస్టు తన టాప్-10ను ఎంపిక చేయాలి.
మొదటి స్థానంలో ఉన్న ఆటగాడికి 15 పాయింట్లు, రెండో స్థానానికి 12 పాయింట్లు లభిస్తాయి. ఆ తర్వాత వరుసగా 10, 8, 7, 5, 4, 3, 2, 1 పాయింట్లు కేటాయిస్తారు. చివరగా అందరి ఓట్లను కలిపి అత్యధిక పాయింట్లు సాధించిన ఆటగాడిని విజేతగా ప్రకటిస్తారు.
బాలెన్ డి ఓర్ కోసం కేవలం గోల్స్ లేదా అసిస్ట్లను మాత్రమే పరిగణనలోకి తీసుకోరు. ఆటగాడి వ్యక్తిగత ప్రదర్శనతో పాటు అతడు ప్రాతినిధ్యం వహించిన క్లబ్, జాతీయ జట్టు సాధించిన విజయాలు, టైటిళ్లు, అలాగే క్రీడా స్ఫూర్తి, వ్యక్తిగత ప్రవర్తన వంటి అంశాలనూ పరిగణనలోకి తీసుకుంటారు.
అలాగే నిర్ణీత కాలవ్యవధిలో క్లబ్, జాతీయ జట్టు తరఫున ఆటగాడు అందించిన ప్రదర్శన కూడా కీలకంగా ఉంటుంది. అంటే ఒక సీజన్లో ఎక్కువ గోల్స్ చేసినంత మాత్రాన అవార్డు దక్కుతుందనే హామీ ఉండదు.
ఇద్దరు లేదా అంతకంటే ఎక్కువ మంది ఆటగాళ్లు సమాన పాయింట్లతో నిలిస్తే.. మొదటి స్థానానికి ఇచ్చే 15 పాయింట్ల ఓట్ల సంఖ్యను పరిగణనలోకి తీసుకుంటారు. ఎక్కువ మంది జర్నలిస్టులు మొదటి స్థానంలో ఎవరిని ఎంపిక చేశారో ఆధారంగా విజేతను నిర్ణయిస్తారు.
బాలెన్ డి ఓర్ గెలిచిన ఆటగాడికి నిర్వాహకుల నుంచి ప్రత్యేకంగా భారీ నగదు బహుమతి అందుతుందని చాలామంది భావిస్తారు. అయితే ఈ అవార్డుకు ప్రత్యక్షంగా నగదు ప్రైజ్మనీ ఉండదు. కానీ ప్రతిష్ఠాత్మక పురస్కారం గెలిచిన తర్వాత ఆటగాడి బ్రాండ్ విలువ గణనీయంగా పెరిగే అవకాశం ఉంటుంది.
దీంతో స్పాన్సర్షిప్లు, ప్రకటనల అవకాశాలు, వాణిజ్య ఒప్పందాలు పెరగొచ్చు. క్లబ్లతో భవిష్యత్ ఒప్పందాల్లోనూ బాలెన్ డి ఓర్ విజయం ఆటగాడి మార్కెట్ విలువపై ప్రభావం చూపే అవకాశం ఉంటుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
