బ్యాంకింగ్ రంగంలో ఉద్యోగం కోసం ఎదురుచూస్తున్న అభ్యర్థులకు బ్యాంక్ ఆఫ్ బరోడా మంచి అవకాశాన్ని ప్రకటించింది. వెల్త్ ఎగ్జిక్యూటివ్, క్రెడిట్ అనలిస్టు పోస్టుల్లో మొత్తం 1100 ఖాళీల భర్తీకి నోటిఫికేషన్ విడుదల చేసింది. ఇందులో వెల్త్ ఎగ్జిక్యూటివ్ పోస్టులు 1000 కాగా.. క్రెడిట్ అనలిస్టు – సీ అండ్ ఐసీ పోస్టులు 100 ఉన్నాయి.
వెల్త్ ఎగ్జిక్యూటివ్ పోస్టులకు ఏదైనా డిగ్రీతో పాటు సంబంధిత సర్టిఫికేషన్లు, రెండేళ్ల ఉద్యోగానుభవం అవసరం. పబ్లిక్, ప్రైవేట్ సెక్టార్ బ్యాంకులు, విదేశీ బ్యాంకులు, వెల్త్ మేనేజ్మెంట్ సంస్థల్లో పనిచేసిన వారికి ఈ పోస్టుల్లో అవకాశం ఉంటుంది. మేనేజ్మెంట్/ఎంబీఏ అర్హత ఉన్నవారికి అదనపు ప్రాధాన్యం ఉంటుంది. ఈ పోస్టులకు నెలకు రూ.48,480 నుంచి రూ.85,920 వరకు వేతన శ్రేణి ఉంది.
క్రెడిట్ అనలిస్టు పోస్టులకు ఏదైనా డిగ్రీతో పాటు సీఏ కోర్సు పూర్తి చేసి ఉండాలి. కమర్షియల్ బ్యాంకులో కనీసం ఏడాది ఉద్యోగానుభవం అవసరం. కార్పొరేట్ క్రెడిట్ విభాగంలో అనుభవం ఉన్న అభ్యర్థులకు ప్రాధాన్యం ఉంటుంది. ఈ పోస్టులకు నెలకు రూ.64,820 నుంచి రూ.93,960 వరకు వేతన శ్రేణి ఉంది.
వెల్త్ ఎగ్జిక్యూటివ్ పోస్టులకు 22–32 సంవత్సరాలు, క్రెడిట్ అనలిస్టు పోస్టులకు 21–33 సంవత్సరాల వయసు ఉండాలి. రిజర్వేషన్ నిబంధనల ప్రకారం అర్హులైన అభ్యర్థులకు వయోపరిమితిలో సడలింపు ఉంటుంది.
అభ్యర్థులను ఆన్లైన్ రాత పరీక్ష, గ్రూప్ డిస్కషన్, ఇంటర్వ్యూ ద్వారా ఎంపిక చేస్తారు. రాత పరీక్షలో మొత్తం 120 మార్కులకు ప్రశ్నలు ఉంటాయి. ఇంగ్లిష్ లాంగ్వేజ్, రీజనింగ్ ఎబిలిటీ అండ్ క్వాంటిటేటివ్ ఆప్టిట్యూడ్, జనరల్/ఎకనామిక్ అండ్ బ్యాంకింగ్ అవేర్నెస్ విభాగాల్లో 20 ప్రశ్నల చొప్పున, సబ్జెక్టు సంబంధిత విభాగంలో 60 ప్రశ్నలు ఉంటాయి. తప్పు సమాధానాలకు పావు మార్కు కోత ఉంటుంది.
ఎంపికైన అభ్యర్థులు ఏడాది పాటు ప్రొబేషన్లో కొనసాగాల్సి ఉంటుంది. దేశంలోని ఏ ప్రాంతంలోనైనా విధులు నిర్వహించేందుకు సిద్ధంగా ఉండాలి. తెలుగు రాష్ట్రాల్లో గుంటూరు/విజయవాడ, విశాఖపట్నం, విజయనగరం, కడప, కాకినాడ, కర్నూలు, ఒంగోలు, రాజమండ్రి, తిరుపతి, నెల్లూరు, హైదరాబాద్, కరీంనగర్, వరంగల్, ఖమ్మం తదితర నగరాల్లో పరీక్ష కేంద్రాలను ఏర్పాటు చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
