ఈయూతో ట్రేడ్ డీల్ ప్రభావం.. లాభాల్లో ముగిసిన దేశీయ స్టాక్ మార్కెట్

ఇండియా–యూరోపియన్ యూనియన్ (ఈయూ) మధ్య కుదిరిన స్వేచ్ఛా వాణిజ్య ఒప్పందం దేశీయ మార్కెట్లకు బలాన్నిచ్చింది. దీనికి తోడు ఆసియా మార్కెట్ల నుంచి వచ్చిన సానుకూల సంకేతాలు పెట్టుబడిదారుల్లో విశ్వాసాన్ని పెంచాయి. ఫలితంగా బుధవారం ట్రేడింగ్‌ సెషన్‌లో దేశీయ స్టాక్ మార్కెట్ సూచీలు లాభాల్లో ముగిశాయి.

రోజంతా కొనుగోళ్ల మద్దతుతో సాగిన ట్రేడింగ్‌లో సెన్సెక్స్‌ 487 పాయింట్లు పెరిగి 82,344.68 వద్ద స్థిరపడింది. నిఫ్టీ కూడా 167 పాయింట్ల లాభంతో 25,342 వద్ద ముగిసింది. ముఖ్యంగా బ్యాంకింగ్‌, ఐటీ, మెటల్‌, ఆటో రంగ షేర్లలో కొనుగోళ్లు ఎక్కువగా కనిపించాయి.

ఇండియా–ఈయూ ట్రేడ్ డీల్ వల్ల ఎగుమతులు, పెట్టుబడులు పెరిగే అవకాశాలు ఉన్నాయని మార్కెట్ నిపుణులు అభిప్రాయపడుతున్నారు. అంతర్జాతీయ మార్కెట్లలో అనిశ్చితులు ఉన్నప్పటికీ దేశీయ ఆర్థిక పరిస్థితులపై ఉన్న నమ్మకంతో పెట్టుబడిదారులు మార్కెట్లో చురుగ్గా పాల్గొన్నారని తెలిపారు. దీంతో రానున్న రోజుల్లో కూడా మార్కెట్ సానుకూల ధోరణి కొనసాగవచ్చని అంచనా వేస్తున్నారు.ఇండియా–యూరోపియన్ యూనియన్ (ఈయూ) మధ్య కుదిరిన స్వేచ్ఛా వాణిజ్య ఒప్పందం దేశీయ మార్కెట్లకు బలాన్నిచ్చింది. దీనికి తోడు ఆసియా మార్కెట్ల నుంచి వచ్చిన సానుకూల సంకేతాలు పెట్టుబడిదారుల్లో విశ్వాసాన్ని పెంచాయి. ఫలితంగా బుధవారం ట్రేడింగ్‌ సెషన్‌లో దేశీయ స్టాక్ మార్కెట్ సూచీలు లాభాల్లో ముగిశాయి.