ఐకాన్ స్టార్ అల్లు అర్జున్ కథానాయకుడిగా లోకేశ్ కనగరాజ్ దర్శకత్వంలో రూపొందనున్న చిత్రం #AA23 సోషల్ మీడియాలో సరికొత్త రికార్డు సృష్టించింది. ఇంకా షూటింగ్ కూడా ప్రారంభం కాని ఈ సినిమా, థీమ్ సాంగ్తోనే అభిమానులను ఆకట్టుకుంటోంది.
ఈ సినిమాను అధికారికంగా ప్రకటిస్తూ ఇటీవల విడుదల చేసిన థీమ్ సాంగ్ ప్రస్తుతం ఇన్స్టాగ్రామ్లో ట్రెండ్గా మారింది. ముఖ్యంగా ‘Introduce Myself’ వీడియోలకు ఈ పాటను విస్తృతంగా ఉపయోగించడంతో, కేవలం 13 రోజుల్లోనే సుమారు 3,55,000 రీల్స్ క్రియేట్ అయ్యాయి. దీంతో అత్యధిక రీల్స్ పొందిన థీమ్ సాంగ్గా ఇది రికార్డు నెలకొల్పింది. ప్రస్తుతం కూడా ఈ పాట ట్రెండింగ్లో టాప్లో కొనసాగుతోంది. ఈ ఏడాదిలోనే AA23 షూటింగ్ ప్రారంభం కానున్నట్లు సమాచారం.
ఇదిలా ఉండగా, అల్లు అర్జున్ ప్రస్తుతం అట్లీ దర్శకత్వంలో తెరకెక్కుతున్న భారీ చిత్రం #AA22xA6లో నటిస్తున్నారు. దీపికా పదుకొణె కథానాయికగా నటిస్తున్న ఈ మూవీ సైన్స్ ఫిక్షన్ జానర్లో రూపొందుతోంది. షూటింగ్ శరవేగంగా జరుగుతుండగా, అద్భుతమైన అవుట్పుట్ కోసం నిద్రలేని రాత్రులు గడుపుతున్నామని దర్శకుడు అట్లీ తెలిపారు. అభిమానులకు అదిరిపోయే సర్ప్రైజ్లు సిద్ధం చేస్తున్నామని ఆయన వెల్లడించారు.
Accident Alert Andhra pradesh Andhrapradesh BreakingNews Breaking news BreakingNewsTelugu Business Chandrababu naidu Climate Cricket Crime News Delhi Development Devotion Devotional Farmers Flood Government Heavy rains High court Hyderabad India Investment Karthika masam Mantha Toofan Movie Nara Lokesh Naralokesh News PM Modi Police Politics Review Road accident Sports Srikakulam Tdp Telangana Toofan Vijayawada Warning Weather YCP YSRCP
