అగ్రకథానాయకుడు అల్లు అర్జున్కు మరో అరుదైన గౌరవం దక్కింది. ప్రముఖ అంతర్జాతీయ మ్యాగజైన్ ఫోర్బ్స్ ఇండియా ‘షోస్టాపర్స్ 2026’ ప్రత్యేక సంచిక కవర్ పేజీపై ఆయన మెరిశారు. సినీ పరిశ్రమలో తనకున్న ప్రత్యేక గుర్తింపుతో పాటు, సినిమాలపై తన అభిప్రాయాలను ఈ సందర్భంగా బన్నీ పంచుకున్నారు.
సినిమా ఏ భాషలో రూపొందిందన్నది కాదని.. ప్రేక్షకులను ఆకట్టుకునే కథ, మంచి కంటెంట్ ఉంటే ఎలాంటి చిత్రం అయినా విజయాన్ని అందుకుంటుందని ఆయన పేర్కొన్నారు. బాలీవుడ్, దక్షిణాది లేదా ఇతర ప్రాంతీయ చిత్ర పరిశ్రమలు అనే తేడా లేకుండా బాక్సాఫీస్ వద్ద విజయం సాధించాలంటే కథకే అత్యంత ప్రాధాన్యం ఉంటుందని చెప్పారు.
‘‘మంచి కంటెంట్ ఉంటే భాషతో సంబంధం లేకుండా సినిమా విజయాన్ని అందుకుంటుంది. ప్రేక్షకులకు కొత్త కథను అందించడమే అన్నిటికంటే ముఖ్యం’’ అని అల్లు అర్జున్ పేర్కొన్నారు. నటీనటుల స్టార్డమ్ కంటే కథే సినిమా విజయాన్ని నిర్ణయించే ప్రధాన అంశమని ఆయన అభిప్రాయపడ్డారు.
‘షోస్టాపర్స్ 2026’ జాబితాలో 2025 జనవరి నుంచి 2026 మార్చి వరకు సినిమాలు, ఓటీటీ, క్రీడలు, సంగీతం, టెలివిజన్ తదితర రంగాల్లో విశేష ప్రభావం చూపిన 100 మంది ప్రముఖులకు స్థానం కల్పించారు. ఈ జాబితాలో అల్లు అర్జున్తో పాటు అమితాబ్ బచ్చన్, మోహన్లాల్, రజనీకాంత్, రామ్చరణ్, షారుక్ ఖాన్, ఆమిర్ ఖాన్, అక్షయ్ కుమార్, ఏఆర్ రెహమాన్, బాబీ డియోల్, దుల్కర్ సల్మాన్, మాధవన్, రణ్వీర్ సింగ్, రిషబ్ శెట్టి, కల్యాణి ప్రియదర్శన్, కంగనా రనౌత్ తదితరులు చోటు దక్కించుకున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
