‘మ్యాడ్’ సినిమాతో తెలుగు తెరకు పరిచయమైన అనంతిక సనీల్ కుమార్.. ‘8 వసంతాలు’తో యువతలో మంచి గుర్తింపు తెచ్చుకున్నారు. ప్రస్తుతం ‘రోమాంచకం’ సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. ఈ చిత్రం సెప్టెంబర్ 3న థియేటర్లలో విడుదల కానుంది. సినిమా ప్రచారంలో భాగంగా ఇచ్చిన ఇంటర్వ్యూలో అనంతిక తన బాల్యం, కుటుంబ పరిస్థితులు, సినీ ప్రయాణం గురించి పలు ఆసక్తికర విషయాలు వెల్లడించారు.
చిన్నప్పటి నుంచే తనకు కళలంటే ఎంతో ఇష్టమని అనంతిక తెలిపారు. ‘‘నాట్యం నేర్చుకుంటున్నాను. ఆరో తరగతిలో ఉన్నప్పటి నుంచే కార్యక్రమాలు ఇవ్వడం ప్రారంభించాను. అయితే ఒక్కో కార్యక్రమానికి వెళ్లాలంటే చాలా ఖర్చయ్యేది. మా ఇంట్లో ఆర్థిక ఇబ్బందులు ఉన్నప్పటికీ అమ్మానాన్న నన్నెప్పుడూ ఆపలేదు. నా కోసం లోన్ తీసుకుని మరీ కార్యక్రమాలకు పంపేవారు. ఆర్థిక ఇబ్బందులు ఎలా ఉంటాయో చిన్నప్పుడే దగ్గర నుంచి చూశాను. ఆ బాధ నాకు తెలుసు’’ అని చెప్పారు.
తన తల్లిదండ్రులు తన కోసం ఎంతో కష్టపడ్డారని, వారికి కూడా తాను ఏదో ఒకటి చేయాలనే ఉద్దేశంతోనే సినీ పరిశ్రమలోకి అడుగుపెట్టినట్లు అనంతిక పేర్కొన్నారు. ‘‘అమ్మానాన్న నన్ను చాలా కష్టపడి పెంచారు. వాళ్లకు కూడా నేనేదో ఒకటి చేయాలి అనిపించింది. అందుకే ఇండస్ట్రీకి వచ్చాను’’ అని ఆమె తెలిపారు.
తన కెరీర్లో కొన్ని మంచి అవకాశాలు చేజారినట్లు అనంతిక వెల్లడించారు. ‘‘చాలా పెద్ద ప్రాజెక్ట్లను మిస్ అయ్యాను. ఫొటో పంపమని అడిగేవారు. చిన్న పిల్లలా ఉన్నానంటూ కొందరు రిజెక్ట్ చేసేవారు. నా లుక్స్ కారణంగా నాని నటిస్తున్న ‘ది ప్యారడైజ్’ అవకాశం కూడా పోయింది’’ అని చెప్పారు.
అవకాశాలు చేజారినప్పుడు బాధగా అనిపించినప్పటికీ.. వాటి గురించి ఎక్కువగా ఆలోచిస్తూ ఆగిపోనని అనంతిక అన్నారు. ‘‘ఏం జరిగినా ముందుకు సాగాలనే మనస్తత్వం నాది. అవకాశాలు మిస్ అయినందుకు బాధ ఉంటుంది. కానీ మనకు రాసి ఉన్నది ఎప్పటికైనా మన దగ్గరకు వస్తుందని నమ్ముతాను’’ అని తెలిపారు.
నాని అంటే తనకు ఎంతో ఇష్టమని చెప్పిన అనంతిక.. ప్రస్తుతం తాను నటించిన ‘రోమాంచకం’పై పూర్తి నమ్మకంతో ఉన్నట్లు వెల్లడించారు. ఈ సినిమా ప్రేక్షకులను తప్పకుండా ఆకట్టుకుంటుందని, తన కెరీర్లో మరో మంచి చిత్రంగా నిలుస్తుందని ఆశాభావం వ్యక్తం చేశారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
