దేశీయ స్టాక్ మార్కెట్ సూచీలు మళ్లీ లాభాల బాట పట్టాయి. అంతర్జాతీయ మార్కెట్ల నుంచి సానుకూల సంకేతాలు రావడంతో పాటు ఐటీ, ఫార్మా, మెటల్ రంగాల షేర్లలో కొనుగోళ్లు పెరగడంతో సూచీలు లాభాల్లో ముగిశాయి. దీంతో వరుసగా రెండు రోజులుగా కొనసాగిన నష్టాలకు బ్రేక్ పడింది.
బీఎస్ఈ సెన్సెక్స్ ఉదయం 77,128.05 పాయింట్ల వద్ద లాభాలతో ప్రారంభమైంది. రోజంతా సానుకూల ధోరణిలో కదలాడిన సూచీ.. ఇంట్రాడేలో 77,357.97 పాయింట్ల గరిష్ఠ స్థాయిని తాకింది. చివరికి 330.92 పాయింట్ల లాభంతో 77,264.51 వద్ద స్థిరపడింది.
ఎన్ఎస్ఈ నిఫ్టీ కూడా 84.80 పాయింట్లు పెరిగి 24,175.65 వద్ద ముగిసింది. డాలరుతో పోలిస్తే రూపాయి మారకం విలువ 95.39 వద్ద కొనసాగింది.
సెన్సెక్స్ 30 షేర్లలో టీసీఎస్, ఇన్ఫోసిస్, టెక్ మహీంద్రా, హెచ్సీఎల్ టెక్నాలజీస్, టైటాన్ వంటి షేర్లు లాభాల్లో ముగిశాయి. మరోవైపు ఐసీఐసీఐ బ్యాంక్, అల్ట్రాటెక్ సిమెంట్, ఏషియన్ పెయింట్స్, ఐటీసీ, మారుతీ సుజుకీ షేర్లు నష్టాలను చవిచూశాయి.
రంగాల వారీగా చూస్తే ఐటీ, ఫార్మా, మెటల్ షేర్లలో కొనుగోళ్ల ఆసక్తి కనిపించింది. అంతర్జాతీయ పరిణామాలు, పెట్టుబడిదారుల సానుకూల ధోరణి మార్కెట్కు మద్దతుగా నిలిచాయి.అంతర్జాతీయ మార్కెట్లో బ్రెంట్ క్రూడ్ బ్యారెల్ ధర 88.30 డాలర్ల వద్ద కొనసాగగా.. బంగారం ఔన్సు ధర 4603 డాలర్ల వద్ద ట్రేడవుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
