వాట్సప్‌లో భారీ మార్పు: ఇకపై సబ్‌స్క్రిప్షన్ తప్పనిసరా? 'వాట్సప్ ప్లస్' గురించి మీకు తెలియని విషయాలు!

వాట్సప్ వినియోగదారుల కోసం మెటా సంస్థ మరో సంచలన మార్పుకు శ్రీకారం చుట్టింది. ఇప్పటివరకు పూర్తి ఉచితంగా సేవలు అందించిన ఈ మెసేజింగ్ యాప్, ఇప్పుడు ఇన్‌స్టాగ్రామ్, ఎక్స్ (ట్విటర్) తరహాలో ‘వాట్సప్ ప్లస్’ (WhatsApp Plus) పేరుతో పెయిడ్ సబ్‌స్క్రిప్షన్ మోడల్‌ను తీసుకురాబోతోంది.

వాట్సప్ ప్లస్ అంటే ఏమిటి?

ఇది వాట్సప్ అందించబోయే ఒక ఆప్షనల్ సబ్‌స్క్రిప్షన్ ప్లాన్. మీరు అదనపు ఫీచర్లు కావాలనుకుంటేనే డబ్బులు చెల్లించి దీనిని తీసుకోవచ్చు. ప్రస్తుతం అందుబాటులో ఉన్న ఉచిత సేవలకు దీనివల్ల ఎలాంటి ఆటంకం కలగదు.

ఉచిత సేవలు: మెసేజింగ్, వాయిస్ కాల్స్, వీడియో కాల్స్ ఎప్పటిలాగే అందరికీ ఉచితంగా అందుబాటులో ఉంటాయి.

సబ్‌స్క్రిప్షన్ తీసుకుంటే వచ్చే ‘ప్రీమియం’ ఫీచర్లు:

వాట్సప్ ప్లస్ సభ్యులకు మాత్రమే లభించే కొన్ని ప్రత్యేక ఫీచర్లు ఇవే:

థీమ్స్ & ఐకాన్స్: యాప్ కోసం 18 కొత్త థీమ్ కలర్స్ మరియు కస్టమ్ యాప్ ఐకాన్లు.

పిన్ చాట్స్: సాధారణ యూజర్లకు పరిమితంగా ఉండే ‘పిన్ చాట్’ సౌకర్యం, సబ్‌స్క్రైబర్లకు 20 చాట్‌ల వరకు పెంచుకునే అవకాశం.

యానిమేటెడ్ స్టిక్కర్లు: సరికొత్త యానిమేటెడ్ ఎఫెక్ట్‌లతో కూడిన స్పెషల్ స్టిక్కర్ ప్యాక్‌లు.

కస్టమ్ రింగ్‌టోన్లు: వాట్సప్ కాల్స్ కోసం ప్రత్యేకమైన రింగ్‌టోన్లను సెట్ చేసుకునే వీలు.

బల్క్ సెట్టింగ్స్: ఒకేసారి అనేక చాట్‌లకు ఒకే రకమైన సెట్టింగ్స్‌ను వర్తింపజేసే సౌకర్యం.

ధర ఎంత ఉండొచ్చు?

ఈ సబ్‌స్క్రిప్షన్ ధర దేశాన్ని బట్టి మారుతుంది.

యూరప్‌లో: నెలకు సుమారు 2.49 యూరోలు.

మెక్సికోలో: 29 డాలర్లు (భారత కరెన్సీలో సుమారు రూ. 2,610).

భారత్‌లో: ఇండియాలో దీని ధర ఎంత ఉంటుందనేది అధికారికంగా ప్రకటించనప్పటికీ, ఇక్కడ మార్కెట్‌ను బట్టి కొంత తక్కువగా ఉండే అవకాశం ఉంది.

ముఖ్య గమనిక:

ప్రస్తుతం ఈ ఫీచర్ కేవలం ఆండ్రాయిడ్ వినియోగదారుల కోసం టెస్టింగ్ దశలో ఉంది. త్వరలోనే ఐఓఎస్ (iOS) వెర్షన్‌కు కూడా విస్తరించే అవకాశం ఉంది. సబ్‌స్క్రిప్షన్ వద్దనుకుంటే యూజర్లు ఎప్పుడైనా రద్దు చేసుకోవచ్చు.