సైన్స్ విద్యార్థులకు కేంద్ర ప్రభుత్వ సంస్థలో ఉద్యోగాలు

నేషనల్ ఇన్‌స్టిట్యూట్ ఆఫ్ బయోలాజికల్స్ (NIB), నోయిడా వివిధ విభాగాల్లో మొత్తం 46 పోస్టుల భర్తీకి నోటిఫికేషన్ విడుదల చేసింది. ఇంటర్మీడియట్‌తో పాటు యూజీ లేదా పీజీ అర్హత కలిగిన అభ్యర్థులు ఈ పోస్టులకు దరఖాస్తు చేసుకోవచ్చు. అభ్యర్థుల ఎంపికను స్క్రీనింగ్ టెస్ట్, కంప్యూటర్ బేస్డ్ టెస్ట్ (CBT), స్కిల్ టెస్ట్ మరియు ఇంటర్వ్యూ ఆధారంగా నిర్వహిస్తారు.

ఈ నోటిఫికేషన్‌లో ఎక్కువగా ఖాళీలు ఉన్న పోస్టులు జూనియర్ సైంటిస్ట్ మరియు ల్యాబొరేటరీ టెక్నీషియన్.

జూనియర్ సైంటిస్ట్ పోస్టులు – 12
ఈ పోస్టులకు దరఖాస్తు చేసుకునే అభ్యర్థులు మైక్రోబయాలజీ, క్లినికల్ మైక్రోబయాలజీ, బయోఇన్ఫర్మాటిక్స్, బయోకెమిస్ట్రీ, బ్యాక్టీరియాలజీ, ఫార్మకాలజీ, సెరోలజీ, మాలిక్యులర్ బయాలజీ లేదా ఫిజియాలజీ వంటి బ్రాంచ్‌లలో మాస్టర్స్ డిగ్రీ కలిగి ఉండాలి. సంబంధిత రంగంలో కనీసం ఒక సంవత్సరం అనుభవం తప్పనిసరి. అభ్యర్థుల వయస్సు 30 సంవత్సరాలు మించకూడదు. ఎంపికైన వారికి నెలకు రూ.44,900 నుంచి రూ.1,42,400 వరకు వేతనం అందుతుంది.

ల్యాబొరేటరీ టెక్నీషియన్ పోస్టులు – 25
ఈ పోస్టులకు బీఎస్సీ (బయాలజీ/ మైక్రోబయాలజీ/ బయోటెక్నాలజీ/ బయోకెమిస్ట్రీ/ మాలిక్యులర్ బయాలజీ) డిగ్రీతో పాటు మెడికల్ ల్యాబొరేటరీ టెక్నాలజీ డిప్లొమా లేదా డిగ్రీ ఉండాలి. అదనంగా మెడికల్ ల్యాబొరేటరీ లేదా రీసెర్చ్ ఇన్‌స్టిట్యూట్‌లో కనీసం ఒక సంవత్సరం అనుభవం ఉండాలి. అభ్యర్థుల వయస్సు 30 సంవత్సరాలు లోపే ఉండాలి. ఎంపికైన వారికి నెలకు రూ.35,400 నుంచి రూ.1,12,400 వరకు వేతనం లభిస్తుంది.

ఎంపిక విధానం:
దరఖాస్తులో పేర్కొన్న విద్యార్హతల ఆధారంగా అభ్యర్థులను కంప్యూటర్ బేస్డ్ పరీక్ష (CBT) కు ఎంపిక చేస్తారు. ఈ పరీక్ష మల్టిపుల్ ఛాయిస్ విధానంలో ఉంటుంది. ఇందులో జనరల్, ఈడబ్ల్యూఎస్, ఓబీసీ అభ్యర్థులు కనీసం 50 శాతం మార్కులు, ఎస్సీ/ఎస్టీ అభ్యర్థులు 40 శాతం మార్కులు సాధిస్తే అర్హత పొందుతారు.