‘సీఈవో సీఎం’గా కాదు.. నీటిని అందించిన నేతగా గుర్తుండాలనుంది: చంద్రబాబు

సీఈవో సీఎం’గా కంటే ప్రజలకు నీటిని అందించిన నేతగా గుర్తుండాలనుకుంటున్నానని ముఖ్యమంత్రి చంద్రబాబు అన్నారు. పోలవరం ఎడమ ప్రధాన కాల్వ, వెలిగొండ ప్రాజెక్టులు రాష్ట్ర అభివృద్ధిలో కీలక మైలురాళ్లుగా నిలుస్తాయని పేర్కొన్నారు.

దశాబ్దాలుగా ప్రజలు ఎదురుచూస్తున్న రెండు కీలక సాగునీటి ప్రాజెక్టులు వాస్తవరూపం దాల్చడం సంతోషకరమని సీఎం తెలిపారు. ఈ ప్రాజెక్టుల ద్వారా ఉత్తరాంధ్ర, రాయలసీమ ప్రాంతాల్లో ప్రజల జీవితాల్లో సరికొత్త మార్పు కనిపిస్తుందని ఆశాభావం వ్యక్తం చేశారు.

సాగునీటి లభ్యత పెరగడంతో వ్యవసాయ రంగానికి కొత్త ఊపు వస్తుందని చంద్రబాబు పేర్కొన్నారు. రైతులకు నీటి భద్రత కల్పించడంతో పాటు ఆయా ప్రాంతాల్లో తాగునీటి సమస్యలకు శాశ్వత పరిష్కారం లభించే అవకాశం ఉందన్నారు. పోలవరం ఎడమ ప్రధాన కాల్వ, వెలిగొండ వంటి ప్రాజెక్టులు భవిష్యత్ తరాలకు ఉపయోగపడే చిరస్థాయి ఆస్తులుగా మిగులుతాయని తెలిపారు.

ప్రజలకు మౌలిక సదుపాయాలు, నీటి వనరులు అందించడం ద్వారా రాష్ట్ర అభివృద్ధిని వేగవంతం చేయడమే ప్రభుత్వ లక్ష్యమని సీఎం స్పష్టం చేశారు. నీటి ప్రాజెక్టుల పూర్తితో వెనుకబడిన ప్రాంతాల్లోనూ వ్యవసాయం, తాగునీటి సదుపాయాలు మరింత మెరుగుపడతాయని పేర్కొన్నారు.

ఉపాధ్యాయ దినోత్సవం సందర్భంగా ముఖ్యమంత్రి చంద్రబాబు రాష్ట్రంలోని ఉపాధ్యాయులందరికీ శుభాకాంక్షలు తెలిపారు. పాఠ్యాంశాలను బోధించడంతో పాటు విద్యార్థులకు విలువలు, క్రమశిక్షణ నేర్పుతూ వారిని మంచి పౌరులుగా తీర్చిదిద్దడంలో ఉపాధ్యాయుల పాత్ర ఎంతో కీలకమని అన్నారు.

విద్యార్థుల భవిష్యత్‌ను తీర్చిదిద్దడంలో ఉపాధ్యాయులు మార్గదర్శకులుగా నిలుస్తారని సీఎం పేర్కొన్నారు. ఆదర్శ జీవితం గడిపి అత్యున్నత స్థానానికి ఎదిగిన డాక్టర్‌ సర్వేపల్లి రాధాకృష్ణన్‌ జీవితాన్ని భావితరాలు ఆదర్శంగా తీసుకోవాలని సూచించారు.

జ్ఞానం, విలువలు, క్రమశిక్షణతో కూడిన విద్యను అందించడం ద్వారా సమాజానికి మంచి తరాన్ని అందించే ఉపాధ్యాయుల సేవలు చిరస్మరణీయమని చంద్రబాబు పేర్కొన్నారు.