భారత్–అమెరికా మధ్య ఖరారైన ట్రేడ్ డీల్కు సంబంధించి విడుదలైన ఫ్యాక్ట్షీట్లో అనూహ్య మార్పులు చోటుచేసుకోవడం చర్చనీయాంశంగా మారింది. శ్వేతసౌధం సోమవారం విడుదల చేసిన ఫ్యాక్ట్షీట్లో కొన్ని కీలక అంశాలు ప్రస్తావించగా, కేవలం 24 గంటల్లోనే వాటిలో సవరణలు చేయడం విశేషం.
మొదట విడుదలైన పత్రంలో భారత్ కొన్ని పప్పుధాన్యాలపై సుంకాలు తగ్గించేందుకు అంగీకరించిందని పేర్కొన్న అమెరికా, ఆ వాక్యాన్ని తర్వాత తొలగించింది. అలాగే 500 బిలియన్ డాలర్ల విలువైన ఉత్పత్తుల కొనుగోళ్లకు భారత్ “కట్టుబడి ఉంది” అన్న పదబంధాన్ని “కొనుగోలు చేయాలనే ఉద్దేశంతో ఉంది”గా మార్చింది. ఈ మార్పులు రాజకీయ, ఆర్థిక వర్గాల్లో చర్చకు దారితీశాయి.
వ్యవసాయ, పాడి ఉత్పత్తులపై సుంకాల తగ్గింపు విషయంలో భారత్ తొలి నుంచి స్పష్టమైన వైఖరిని వ్యక్తం చేస్తోంది. భారత రైతులు, సూక్ష్మ, చిన్న, మధ్య తరహా పరిశ్రమల ప్రయోజనాలకు ఎటువంటి భంగం కలగదని కేంద్ర వాణిజ్య శాఖ మంత్రి పీయూష్ గోయల్ ఇటీవల స్పష్టం చేశారు.ఫ్యాక్ట్షీట్లో సవరణలు జరగడం వెనుక భారత్ ప్రభుత్వ ఒత్తిడి కూడా కారణమై ఉండొచ్చని మీడియా కథనాలు సూచిస్తున్నాయి. ముఖ్యంగా పప్పుధాన్యాలపై టారిఫ్ అంశం అత్యంత సున్నితమైనదిగా భావించబడుతోంది. వ్యవసాయ రంగం దేశ ఆర్థిక వ్యవస్థలో కీలక పాత్ర పోషిస్తున్న నేపథ్యంలో, ఈ విషయంలో భారత్ తన ప్రయోజనాలను కాపాడుకునే ప్రయత్నం చేస్తున్నట్లు విశ్లేషకులు అంటున్నారు.
మార్చిలో ఈ ట్రేడ్ డీల్కు తుది సంతకాలు జరిగే అవకాశాలు ఉన్న నేపథ్యంలో, ఫ్యాక్ట్షీట్లో చేసిన ఈ మార్పులు అంతర్జాతీయ వాణిజ్య వర్గాల్లో ఆసక్తి రేకెత్తిస్తున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
