ట్రంప్ వ్యాఖ్యల తర్వాత కూడా పశ్చిమాసియాలో యుద్ధం ఆగదా!!

అమెరికా అధ్యక్షుడు డొనాల్డ్ ట్రంప్ ఇరాన్‌పై దాడులను 5 రోజుల వాయిదా వేస్తానని ప్రకటించినప్పటికీ, అంతర్జాతీయ వాతావరణం కొంత ఊపిరి పీల్చినా, ఇరాన్‌–ఇజ్రాయెల్ ఉద్రిక్తత ఆగలేదు. రెండు దేశాల పరస్పర దాడులు కొనసాగుతున్నాయి.

ఇజ్రాయెల్‌పై 78వ దాడులు:
ఇస్లామిక్ రివల్యూషనరీ గార్డ్ కోర్ (IRGC) ప్రకారం, ఇజ్రాయెల్‌లోని డిమోనా, టెల్ అవీవ్‌, ఇలాట్ ప్రాంతాలు, పశ్చిమాసియాలోని అమెరికా సైనిక స్థావరాలను లక్ష్యంగా చేసుకున్న 78వ విడత దాడులు మంగళవారం ప్రారంభమయ్యాయి. క్షిపణులు, డ్రోన్లను ఉపయోగించి ఈ దాడులు జరిపినట్లు IRGC తెలిపింది. ఇజ్రాయెల్ వ్యాప్తంగా సైరన్లు నడుస్తున్నాయి.

ఇరాన్‌లో గ్యాస్ స్థావరాలపై దాడులు:
ఇస్ఫహాన్‌లోని గ్యాస్ వ్యవస్థ, ఖొర్రమ్‌షహర్‌లోని పవర్ ప్లాంట్‌లు క్షిపణులు, డ్రోన్లతో దాడులకు గురయ్యాయి. దాడులపై ఎవరూ స్పష్టత ఇవ్వలేదని, ఇరాన్ అధికారులు ఇజ్రాయెల్‌పై ఆరోపణలు చేస్తున్నారు. ట్రంప్‌ వాయిదా ప్రకటన తర్వాత కూడా ఈ దాడులు కొనసాగడం గమనార్హం.

హర్మూజ్ రవాణా పరిస్థితి:
హర్మూజ్‌ జలసంధి ద్వారా ఇరాన్‌తో సమన్వయం చేస్తూ తటస్థ దేశాల నౌకలు రవాణా చేయవచ్చని ఇరాన్ డిఫెన్స్ కౌన్సిల్ ప్రకటించింది. కానీ, విద్యుత్ ప్లాంట్లు, ఇంధన మౌలిక సదుపాయాలపై దాడి జరిగితే తీవ్రమైన ప్రతిస్పందన వస్తుందని హెచ్చరించింది.

అమెరికా స్థితి:
అమెరికా అధికారులు ఒకరు, “కేవలం ఇరాన్ ఇంధన మౌలిక సదుపాయాలపై దాడులను వాయిదా వేసాం, ఇతర ప్రాంతాలపై దాడులు కొనసాగుతాయి” అని పేర్కొన్నారు. ఈ పరిణామాలతో పశ్చిమాసియాలో పరిస్థితులు ఉద్రిక్తంగా కొనసాగుతున్నాయి.