క్రికెట్ కేవలం వినోదం మాత్రమే కాదు, ఒక భారీ వ్యాపార రంగంగా మారిపోయింది. ఈ విషయాన్ని మరోసారి రుజువు చేస్తూ ఐపీఎల్ ఫ్రాంఛైజీలు దేశంలోని అత్యంత విలువైన 500 కంపెనీల జాబితాలో చోటు సంపాదించాయి.
యాక్సిస్ బ్యాంక్–బుర్గుండీ ప్రైవేట్–హురున్ ఇండియా 2025 జాబితాలో మొత్తం ఐదు ఐపీఎల్ జట్లు తొలిసారి ప్రవేశించాయి. వీటిలో కోల్కతా నైట్ రైడర్స్, చెన్నై సూపర్ కింగ్స్, రాయల్ ఛాలెంజర్స్ బెంగళూరు, రాజస్థాన్ రాయల్స్, పంజాబ్ కింగ్స్ ఉన్నాయి.
2025 జూన్ 30 వరకు ఉన్న కంపెనీల విలువ ఆధారంగా ఈ టాప్ 500 జాబితాను రూపొందించారు. ఎప్పటిలాగే రిలయన్స్, హెచ్డీఎఫ్సీ బ్యాంక్, ఎయిర్టెల్, టీసీఎస్, ఐసీఐసీఐ బ్యాంక్ వంటి దిగ్గజ సంస్థలు స్థానాలు దక్కించుకున్నాయి. కానీ ఈసారి ఐపీఎల్ ఫ్రాంఛైజీలు కూడా అదే స్థాయిలో కార్పొరేట్ ప్రపంచంలో అడుగుపెట్టడం విశేషంగా మారింది.
ఈ ఐదు జట్ల మొత్తం విలువ సుమారు రూ.71 వేల కోట్లకు పైగా ఉన్నట్లు అంచనా. ఇందులో కోల్కతా నైట్ రైడర్స్ రూ.20,850 కోట్ల విలువతో 270వ స్థానంలో నిలిచింది. చెన్నై సూపర్ కింగ్స్ రూ.19,550 కోట్లతో 285వ స్థానం, రాయల్ ఛాలెంజర్స్ బెంగళూరు రూ.16,700 కోట్లతో 330వ స్థానం, రాజస్థాన్ రాయల్స్ రూ.15,700 కోట్లతో 343వ స్థానం, పంజాబ్ కింగ్స్ రూ.14,050 కోట్లతో 390వ స్థానంలో నిలిచాయి.
స్పాన్సర్షిప్లు, మర్చండైజ్ అమ్మకాలు, డిజిటల్ కంటెంట్ ద్వారా ఐపీఎల్ ఫ్రాంఛైజీలు భారీగా ఆదాయం ఆర్జిస్తున్నాయని ఈ జాబితా స్పష్టం చేస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
