తెలంగాణలో పెట్టుబడులను వేగంగా అమల్లోకి తీసుకురావడానికి ముఖ్యమంత్రి Revanth Reddy కీలక ఆదేశాలు జారీ చేశారు. దావోస్, తెలంగాణ రైజింగ్ గ్లోబల్ సమిట్ వంటి వేదికలపై ప్రముఖ కంపెనీలతో కుదుర్చుకున్న ఎంవోయూల పురోగతిపై మంత్రి దుద్దిళ్ల శ్రీధర్బాబుతో కలిసి సమీక్ష నిర్వహించారు.
ప్రభుత్వ విధానం ప్రకారం పెట్టుబడిదారులను మూడు కేటగిరీలుగా విభజించాలని సీఎం సూచించారు. మల్టీనేషనల్, పేరుప్రతిష్ఠలున్న కంపెనీలకు మొదటి ప్రాధాన్యం, వేగంగా ఎదుగుతున్న సంస్థలకు రెండో ప్రాధాన్యం, మిగతా కంపెనీలకు మూడో ప్రాధాన్యం ఇవ్వాలని తెలిపారు. ఇలా చేయడం ద్వారా పెట్టుబడులు త్వరగా అమలవుతాయని అభిప్రాయపడ్డారు.
ఫ్యూచర్ సిటీలో కార్యాలయ పనులను త్వరగా పూర్తి చేసి, అక్కడే ఎంవోయూల అమలు, పురోగతిపై నిరంతర పర్యవేక్షణ జరగాలని సీఎం ఆదేశించారు. ప్రతి అంశాన్ని సీఎంవో, సంబంధిత శాఖలు తెలుసుకునేలా ప్రత్యేక డ్యాష్బోర్డ్ ఏర్పాటు చేయాలని సూచించారు. టైర్-2, టైర్-3 నగరాల్లో ఐటీ టవర్ల వినియోగాన్ని పెంచాలని కూడా పేర్కొన్నారు.
ఇక హైదరాబాద్ మెట్రో ప్రాజెక్ట్పై కూడా సీఎం ప్రత్యేకంగా దృష్టి సారించారు. ఓల్డ్సిటీలో మిగిలిన భూసేకరణను త్వరగా పూర్తి చేసి, చాంద్రాయణగుట్ట వరకు మెట్రో పనులను రెండేళ్లలో పూర్తి చేయాలని ఆదేశించారు. రెండో దశ మెట్రో విస్తరణ, హైస్పీడ్ కారిడార్ అంశాలపై కూడా చర్చించారు.
Andhra pradesh Andhrapradesh APNews APPolitics Breaking news BreakingNews BusinessNews ChandrababuNaidu CricketNews CrimeNews Geopolitics governance Government India IndiaNews LatestNews LawAndOrder Movies News news24 newsalert NewsToday NewsUpdate PoliticalNews PoliticalUpdate PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
