యాదాద్రిలో హృదయ విదారక ఘటన… తండ్రి చేతిలో చిన్నారి మృతి

కుటుంబ కలహాల నేపథ్యంలో ఓ తండ్రి తన చిన్నారికి విషం ఇచ్చి హత్య చేసిన విషాద ఘటన ఆలస్యంగా వెలుగులోకి వచ్చింది.సంస్థాన్ నారాయణపురం మండలం లచ్చమ్మగూడెం గ్రామానికి చెందిన వరికుప్పల రవి, భార్య స్వాతితో కలహాల కారణంగా విడిగా ఉంటున్నాడు. మూడేళ్ల క్రితం వివాహమైన ఈ దంపతులకు మేఘన (2), మయూరి (9 నెలలు) సంతానం. మూడు నెలల క్రితం స్వాతి చిన్న కుమార్తెతో పుట్టింటికి వెళ్లగా, మేఘన తండ్రి వద్దే ఉంది.పెద్ద కుమార్తెను తన వద్దకు పంపించాలని స్వాతి కోరినా రవి నిరాకరించాడు. ఈ విషయంలో పోలీసులకు ఫిర్యాదు కూడా నమోదు అయింది.

ఈ నేపథ్యంలో, శనివారం రవి సపోటా పండులో ఎలుకల మందు కలిపి మేఘనకు ఇచ్చాడు. తండ్రి ఇచ్చిన పండని నమ్మి చిన్నారి తిన్న వెంటనే అస్వస్థతకు గురై అపస్మారక స్థితిలోకి వెళ్లింది. అనంతరం రవి కూడా నిద్ర మాత్రలు, విషం తీసుకున్నాడు.కుటుంబ సభ్యులు గమనించి ఇద్దరినీ ఆసుపత్రులకు తరలించారు. రవిని నల్గొండ, మేఘనను హైదరాబాద్ నిలోఫర్ ఆసుపత్రికి తీసుకెళ్లగా, చికిత్స పొందుతూ సోమవారం చిన్నారి మృతి చెందింది.మంగళవారం లచ్చమ్మగూడెంలో అంత్యక్రియలు నిర్వహించారు. స్వాతి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

Andhra pradesh Andhrapradesh AndhraPradeshNews APNews Breaking news BreakingNews BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder News news24 newsalert NewsToday NewsUpdate PoliticalNews PoliticalUpdate PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguNews Tollywood TrendingNews TrendingNow ViralNews WorldNews