హైదరాబాద్: నగరానికి మణిహారంగా నిలిచిన హుస్సేన్సాగర్ పరిసరాలకు కొత్త రూపు తీసుకురావాలని హైదరాబాద్ మహానగర అభివృద్ధి సంస్థ (హెచ్ఎండీఏ) భావిస్తోంది. సరస్సును కేవలం సుందరీకరణకే పరిమితం చేయకుండా.. పర్యావరణ పరిరక్షణ, పర్యాటక అభివృద్ధి, ప్రజలకు ఆహ్లాదకరమైన వాతావరణం కల్పించేలా సమగ్ర ప్రణాళిక రూపొందించనుంది. ఇందుకోసం ప్రత్యేక మాస్టర్ప్లాన్ తయారీకి కన్సల్టెన్సీని ఎంపిక చేయాలని అధికారులు నిర్ణయించినట్లు తెలుస్తోంది. త్వరలో ఇందుకు సంబంధించిన టెండర్ల ప్రక్రియను చేపట్టనున్నారు.
హుస్సేన్సాగర్లోకి మురుగు నీరు చేరకుండా ఇప్పటికే పలు చర్యలు కొనసాగుతున్నాయి. మురుగు శుద్ధి కేంద్రాలు (ఎస్టీపీలు), ప్రత్యేక పైపులైన్ల ద్వారా మురుగునీటిని నియంత్రించే వ్యవస్థను మరింత సమర్థంగా నిర్వహించేందుకు ప్రణాళికలో ప్రాధాన్యం ఇవ్వనున్నారు. సరస్సు నీటి నాణ్యతను కాపాడటంతో పాటు చుట్టుపక్కల ప్రాంతాల్లో పరిశుభ్రతను మెరుగుపరిచే చర్యలను కూడా మాస్టర్ప్లాన్లో పొందుపరచనున్నారు.
హుస్సేన్సాగర్ చుట్టూ పచ్చదనాన్ని గణనీయంగా పెంచేందుకు చర్యలు చేపట్టనున్నారు. చెట్ల పెంపకం, ల్యాండ్స్కేపింగ్, పచ్చని ప్రదేశాల విస్తరణకు ప్రాధాన్యం ఇవ్వనున్నారు. పర్యావరణహిత అర్బన్ డిజైన్ను అమలు చేయడం ద్వారా సరస్సు పరిసరాలను ఆహ్లాదకరంగా మార్చాలని భావిస్తున్నారు. ప్రజలు కుటుంబాలతో గడిపేందుకు అనువైన వాతావరణాన్ని కల్పించడమే లక్ష్యంగా ప్రణాళికలు రూపొందించనున్నారు.
సైక్లింగ్, వాకింగ్ ట్రాక్లు
లేక్ఫ్రంట్ అభివృద్ధిలో భాగంగా ప్రత్యేక సైక్లింగ్ జోన్లు ఏర్పాటు చేసే ప్రతిపాదన ఉంది. వాకింగ్, జాగింగ్ చేసేవారి కోసం ట్రాక్లను మెరుగుపరచనున్నారు. యోగా కేంద్రాలు, విశ్రాంతి ప్రాంతాలు, ఫుడ్ కోర్టులు ఏర్పాటు చేయడం ద్వారా అన్ని వయసుల వారికి అనువైన సదుపాయాలు కల్పించాలని అధికారులు భావిస్తున్నారు. సాయంత్రం వేళల్లో కుటుంబాలు, యువత ఎక్కువగా సందర్శించేలా ప్రత్యేక ఆకర్షణలను తీసుకురానున్నార
లేక్ఫ్రంట్లో సాంస్కృతిక కార్యక్రమాలు, కళా ప్రదర్శనలు, ప్రజా కార్యక్రమాలు నిర్వహించేందుకు ప్రత్యేక ప్లాజాలను అభివృద్ధి చేయనున్నారు. ఓపెన్ స్పేస్లను సద్వినియోగం చేసుకుంటూ నగరవాసులకు వినోదంతో పాటు సాంస్కృతిక అనుభూతిని అందించేలా ఏర్పాట్లు చేయనున్నారు. అవసరమైన చోట్ల కూర్చునే సదుపాయాలు, లైటింగ్, ఇతర ప్రజా మౌలిక వసతులను మెరుగుపరచనున్నార
హుస్సేన్సాగర్ తీరంలోని ఎన్టీఆర్ గార్డెన్, లుంబినీ పార్కు, సంజీవయ్య పార్కులకు సరికొత్త రూపు తీసుకురావాలని భావిస్తున్నారు. ఇప్పటికే ఉన్న ఉద్యానవనాల్లో మౌలిక వసతులను మెరుగుపరచడంతో పాటు కొత్త థీమ్లను ప్రవేశపెట్టనున్నారు. పిల్లలు, కుటుంబాలను ఆకట్టుకునేలా సంజీవయ్య పార్కులో ప్రత్యేక లెర్నింగ్ సెంటర్ ఏర్పాటు చేసే ప్రతిపాదన ఉంది. పర్యావరణం, ప్రకృతి, సరస్సుల ప్రాధాన్యాన్ని పిల్లలకు అర్థమయ్యే రీతిలో అక్కడ కార్యక్రమాలు రూపొందించే అవకాశం ఉంది.
లుంబినీ పార్కులో కొత్తగా లేజర్ షోను ఏర్పాటు చేసే ఆలోచన కూడా ఉంది. దీంతో రాత్రివేళల్లో పర్యాటకులను ఆకర్షించే మరో ప్రధాన కేంద్రంగా ఈ ప్రాంతాన్ని తీర్చిదిద్దే అవకాశం ఉంది.
ట్యాంక్బండ్, ఎన్టీఆర్ మార్గ్, పీవీ నరసింహారావు మార్గ్, పీపుల్స్ ప్లాజా, లేక్వ్యూ పార్కు, అంబేద్కర్ విగ్రహం, అమరవీరుల స్మారక చిహ్నం పరిసరాలను కూడా ప్రణాళికలో భాగంగా అభివృద్ధి చేయనున్నారు. రహదారులు, ఫుట్పాత్లు, పర్యాటక సదుపాయాలు, పార్కింగ్, లైటింగ్ వంటి మౌలిక వసతులను మెరుగుపరచే అంశాలను పరిశీలించనున్నారు.
హుస్సేన్సాగర్ పరిసరాల్లో పర్యాటక ప్రాంతాలు ఒకదానితో ఒకటి అనుసంధానమయ్యేలా వాకింగ్, సైక్లింగ్ మార్గాలను అభివృద్ధి చేయడంపై కూడా దృష్టి పెట్టనున్నారు. దీంతో సందర్శకులు ఒక ప్రాంతం నుంచి మరో ప్రాంతానికి సులభంగా వెళ్లే అవకాశం ఉంటుంది.
లేక్ఫ్రంట్ అభివృద్ధితో పాటు సరస్సు పరిరక్షణకు కూడా ప్రాధాన్యం ఇవ్వనున్నారు. ఎస్టీపీల సామర్థ్యం, నిర్వహణను మరింత బలోపేతం చేయడం, మురుగునీటి ప్రవాహాలను నిరంతరం పర్యవేక్షించడం వంటి చర్యలను చేపట్టనున్నారు. సరస్సులోకి కాలుష్య జలాలు చేరకుండా ముందస్తు నియంత్రణ వ్యవస్థను పటిష్ఠం చేయాలని భావిస్తున్నారు.
మాస్టర్ప్లాన్ సిద్ధమైన తర్వాత దశలవారీగా అభివృద్ధి పనులను చేపట్టే అవకాశం ఉంది. ప్రణాళికలు పూర్తిస్థాయిలో అమలైతే హుస్సేన్సాగర్ పరిసరాలు హైదరాబాద్లో వినోదం, పర్యాటకం, పచ్చదనం కలగలిసిన ప్రధాన ప్రాంతంగా మరింత ఆకర్షణీయంగా మారనున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
