ఈ ఏడాది ఆసియా గేమ్స్కు (Asian Games) భారత క్రికెట్ జట్టును ఎంపిక చేయడానికి బీసీసీఐ 30 మంది ఆటగాళ్లతో ప్రాథమిక జాబితాను సిద్ధం చేసి ఇండియన్ ఒలింపిక్ అసోసియేషన్కు (IOA) సమర్పించింది. ఐపీఎల్లో అద్భుత ప్రదర్శన చేసిన యువ సంచలనం వైభవ్ సూర్యవంశీకి (Vaibhav Sooryavanshi) ఈ జాబితాలో చోటు దక్కడం విశేషం.
అయితే టీ20 జట్టు కెప్టెన్ సూర్యకుమార్ యాదవ్, వన్డే కెప్టెన్ శుభ్మన్ గిల్ పేర్లను ఈ జాబితాలో చేర్చలేదు. సెప్టెంబర్ 19 నుంచి అక్టోబర్ 4 వరకు జపాన్ వేదికగా ఆసియా క్రీడలు జరగనున్నాయి. అదే సమయంలో భారత్–వెస్టిండీస్ సిరీస్ షెడ్యూల్ ఉండటంతో, ఆటగాళ్ల పనిభారం (workload management) దృష్ట్యా బీసీసీఐ రెండు వేర్వేరు టీ20 జట్లను సిద్ధం చేయాలని నిర్ణయించింది.
వెస్టిండీస్ సిరీస్తో పాటు 2028 ఒలింపిక్స్ మరియు టీ20 వరల్డ్కప్ సన్నాహాల నేపథ్యంలో సూర్యకుమార్ యాదవ్ను విశ్రాంతి ఇవ్వాలని బోర్డు నిర్ణయించింది. శుభ్మన్ గిల్ వన్డే జట్టుకు సారథ్యం వహించాల్సి ఉండటంతో ఆయనను కూడా ఈ టోర్నీకి దూరం పెట్టారు.
జాబితాలో జస్ప్రీత్ బుమ్రా పేరు ఉన్నప్పటికీ, తుది జట్టులో అతను ఆడతాడా లేదా అనేది ఇంకా స్పష్టత లేదు.
ఆసియా గేమ్స్కు భారత జట్టు కెప్టెన్గా శ్రేయస్ అయ్యర్, సంజు శాంసన్, తిలక్ వర్మ పేర్లు ప్రధానంగా వినిపిస్తున్నాయి. స్పిన్నర్లలో కుల్దీప్ యాదవ్, అక్షర్ పటేల్, వాషింగ్టన్ సుందర్, హర్ష్ దూబే ఎంపికకు అవకాశం ఉన్నప్పటికీ, తుది జట్టులో వీరిలో ఇద్దరినే తీసుకునే అవకాశం ఉంది.
30 మంది ప్రాథమిక జాబితా:
యశస్వి జైస్వాల్, అభిషేక్ శర్మ, వైభవ్ సూర్యవంశీ, ఇషాన్ కిషన్, సంజు శాంసన్, శ్రేయస్ అయ్యర్, రిషభ్ పంత్, హార్దిక్ పాండ్య, రింకు సింగ్, తిలక్ వర్మ, జస్ప్రీత్ బుమ్రా, అక్షర్ పటేల్, అర్ష్దీప్ సింగ్, కుల్దీప్ యాదవ్, నితీశ్ కుమార్ రెడ్డి, ప్రసిద్ధ్ కృష్ణ, వరుణ్ చక్రవర్తి, అనుకుల్ రాయ్, ఆయుష్ బదోనీ, హర్ష్ దూబే, ధ్రువ్ జురెల్, ఖలీల్ అహ్మద్, రుతురాజ్ గైక్వాడ్, రవి బిష్ణోయ్, షాబాజ్ అహ్మద్, శివమ్ దూబే, విప్రాజ్ నిగమ్, హర్షిత్ రాణా, యశ్ ఠాకూర్, వాషింగ్టన్ సుందర్.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
