ఢిల్లీ వేదికగా భారత్–కెనడా సంబంధాలపై కీలక ప్రకటనలు వెలువడ్డాయి. కెనడా తీసుకున్న నిర్ణయాలను భారత్ స్వాగతిస్తున్నట్లు ప్రధాన మంత్రి నరేంద్ర మోదీ తెలిపారు. రక్షణ, నౌక పరిశ్రమల రంగాల్లో పరస్పర సహకారాన్ని మరింత బలోపేతం చేయాలని ఇరు దేశాలు నిర్ణయించుకున్నట్లు వెల్లడించారు.
యురేనియం సరఫరా అంశంలో భారత్–Canada మధ్య కీలక ఒప్పందం కుదిరినట్లు సమాచారం. అణుశక్తి ఉత్పత్తికి అవసరమైన యురేనియం సరఫరా, సాంకేతిక సహకారం వంటి అంశాలు ఇందులో భాగమని అధికార వర్గాలు పేర్కొన్నాయి.
ఇక సమగ్ర ఆర్థిక భాగస్వామ్య ఒప్పందం (Comprehensive Economic Partnership Agreement)పై కూడా త్వరలోనే నిర్ణయం తీసుకునే దిశగా చర్చలు కొనసాగుతున్నాయని ప్రధాని తెలిపారు. వాణిజ్యం, పెట్టుబడులు, సాంకేతిక మార్పిడి రంగాల్లో భాగస్వామ్యాన్ని విస్తరించేందుకు ఇరు దేశాలు కట్టుబడి ఉన్నట్లు వెల్లడించారు.
పునరుత్పాదక ఇంధన వినియోగంపై కూడా భారత్–కెనడా మధ్య ఒప్పందం కుదిరింది. విద్యుత్ ఉత్పత్తి, గ్రీన్ ఎనర్జీ టెక్నాలజీలు, కార్బన్ ఉద్గారాల తగ్గింపు వంటి అంశాల్లో కలిసి పనిచేయాలని నిర్ణయించారు.
అంతర్జాతీయ సౌరశక్తి కూటమి (International Solar Alliance)లో చేరాలని కెనడా నిర్ణయం తీసుకోవడం పట్ల భారత్ హర్షం వ్యక్తం చేసింది. అలాగే గ్లోబల్ బయోఫ్యూయల్ కూటమిలో చేరేందుకు కూడా కెనడా సిద్ధమైందని ప్రధాని పేర్కొన్నారు.
ఇరు దేశాల మధ్య ద్వైపాక్షిక సంబంధాలు రక్షణ, ఇంధనం, టెక్నాలజీ, వాణిజ్యం వంటి పలు రంగాల్లో మరింత విస్తరించనున్నాయని అధికార వర్గాలు తెలిపాయి. ఈ పరిణామం భారత్–కెనడా సంబంధాలకు కొత్త దశను ఆరంభించిందని విశ్లేషకులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
