చిన్న విద్యార్హతలతో కూడా రక్షణ రంగంలో ఉన్నత ఉద్యోగాలు పొందే అవకాశం భారత సైన్యంలో అందుబాటులో ఉంది. ముఖ్యంగా 10+2 టెక్నికల్ ఎంట్రీ స్కీమ్ ద్వారా ఇంటర్మీడియట్ విద్యార్థులు నేరుగా ఆర్మీలో అధికార హోదాకు చేరుకోవచ్చు.
ఈ స్కీమ్ ద్వారా ప్రతి ఏడాది రెండు సార్లు రిక్రూట్మెంట్ నిర్వహించబడుతుంది. ఒక్కోసారి సుమారు 90 మందిని ఎంపిక చేస్తారు. అభ్యర్థులు తప్పనిసరిగా JEE Main 2026 స్కోర్తో పాటు ఫిజిక్స్, కెమిస్ట్రీ, మ్యాథమెటిక్స్లో కనీసం 60 శాతం మార్కులు సాధించి ఉండాలి.
ఎంపిక ప్రక్రియలో మొదట దరఖాస్తులను స్కోర్ ఆధారంగా షార్ట్లిస్ట్ చేస్తారు. అనంతరం సర్వీస్ సెలక్షన్ బోర్డ్ (SSB) ఆధ్వర్యంలో ఐదు రోజుల పాటు రెండు దశల్లో ఇంటెలిజెన్స్ టెస్ట్, సైకలాజికల్ టెస్టులు, గ్రూప్ టాస్క్లు మరియు ఇంటర్వ్యూలు నిర్వహిస్తారు.ఎంపికైన అభ్యర్థులకు జనవరి 2027 నుంచి శిక్షణ ప్రారంభమవుతుంది. ఈ శిక్షణ పుణె, సికింద్రాబాద్ మరియు మావ్ వంటి ఆర్మీ కేంద్రాల్లో జరుగుతుంది. ఇది మొత్తం నాలుగేళ్ల కార్యక్రమం. ఇందులో మూడు సంవత్సరాలు ప్రీ-కమిషన్ ట్రైనింగ్, ఒక సంవత్సరం పోస్ట్-కమిషన్ ట్రైనింగ్ ఉంటుంది.
శిక్షణ సమయంలో నెలకు రూ.56,100 స్టైపెండ్ అందుతుంది. కోర్సు పూర్తయ్యాక జవహర్లాల్ నెహ్రూ యూనివర్సిటీ (JNU), న్యూఢిల్లీ నుంచి B.Tech డిగ్రీ లభిస్తుంది. అనంతరం లెఫ్టినెంట్ హోదాలో నియామకం జరుగుతుంది.లెఫ్టినెంట్ స్థాయి నుంచి ప్రారంభమై, అనుభవంతో కెప్టెన్, మేజర్, లెఫ్టినెంట్ కల్నల్ హోదాలకు పదోన్నతి పొందే అవకాశం ఉంటుంది. ఏడాదికి సుమారు రూ.18 లక్షల వరకు CTC పొందవచ్చు.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
