తెలుగుదేశం పార్టీ కేంద్ర కార్యాలయంలో జరిగిన విలేకరుల సమావేశంలో ఆయన ఈ అంశంపై ఆసక్తికర వ్యాఖ్యలు చేశారు. జగన్ వాడుతున్న ‘మావిగన్’ అనే పదాన్ని చూసి ప్రజలు నవ్వుకుంటున్నారని, ఇది ఎంత విడ్డూరంగా ఉందో సొంత పార్టీ నాయకులు, కార్యకర్తలే చర్చించుకుంటున్నారని మంత్రి ఎద్దేవా చేశారు. సాధారణంగా మన సంస్కృతిలో శుభకార్యాలు జరిగేటప్పుడు అమంగళకరమైన పేర్లు పలకడానికి ఎవరూ ఇష్టపడరని, ప్రస్తుతం ఆంధ్రప్రదేశ్ ప్రజలకు ‘జగన్’ అనే పేరు కూడా అలాంటిదేనని ఆయన ఘాటుగా విమర్శించారు. ఐదేళ్ల పాలనలో రాష్ట్రాన్ని అంధకారంలోకి నెట్టారని, ఇప్పుడు కొత్త పేర్లతో ప్రజల ముందుకు రావడం హాస్యాస్పదమని పేర్కొన్నారు.
ముఖ్యంగా రాజధాని అమరావతి విషయంలో వైకాపా వైఖరిని ఆయన ఎండగట్టారు. పార్లమెంటులో అన్ని రాజకీయ పార్టీలు ఏకతాటిపైకి వచ్చి అమరావతికి మద్దతు తెలుపుతుంటే, వైకాపా ఎంపీలు మాత్రం వాకౌట్ చేయడం వారి ద్వంద్వ నీతికి నిదర్శనమని మండిపడ్డారు. అమరావతి అనేది కేవలం ఒక ప్రాంతం కాదని, అది ఐదు కోట్ల ఆంధ్రుల ఆత్మగౌరవానికి ప్రతీక అని పార్థసారథి స్పష్టం చేశారు. రాజధాని నిర్మాణం పూర్తిస్థాయిలో జరిగితే రాష్ట్రానికి లక్షల కోట్ల ఆదాయం సమకూరుతుందని, ఉపాధి అవకాశాలు పెరుగుతాయని ఆయన ధీమా వ్యక్తం చేశారు.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
