కంటి తెల్లగుడ్డుపై ఏర్పడే పుట్టుమచ్చలను ఇకపై శస్త్రచికిత్స అవసరం లేకుండానే లేజర్ చికిత్స ద్వారా సులభంగా తొలగించవచ్చని ఎల్వీ ప్రసాద్ నేత్ర వైద్య సంస్థ పరిశోధకులు నిరూపించారు. ఈ కీలక ఆవిష్కరణ వైద్య రంగంలో కొత్త అధ్యాయానికి దారి తీసిందని నిపుణులు చెబుతున్నారు.
డాక్టర్ అనసూయ కపూర్ నేతృత్వంలోని పరిశోధక బృందం ఎల్లో లేజర్ ఫోటోకోయాగ్యులేషన్ విధానాన్ని ఉపయోగించి కంటి తెల్లగుడ్డులోని పుట్టుమచ్చలను విజయవంతంగా తొలగించారు. ఈ పరిశోధన ఫలితాలను ప్రముఖ జర్నల్ ఆఫ్ ఆఫ్తాల్మాలజీ తాజా సంచికలో ప్రచురించారు.
ఈ అధ్యయనంలో మొత్తం 9 మంది రోగులపై ప్రయోగాలు నిర్వహించగా, అన్ని కేసుల్లోనూ పుట్టుమచ్చలు పూర్తిగా తొలగినట్లు పరిశోధకులు వెల్లడించారు. కంటిలో లోతుగా ఉండే ఈ మచ్చలను లేజర్ ద్వారా తొలగించడం ఇదే తొలిసారి అని వారు పేర్కొన్నారు.
సాధారణంగా కంటి పుట్టుమచ్చలు ప్రమాదకరం కాకపోయినా, అరుదుగా కొన్ని కేసుల్లో అవి పెరిగి క్యాన్సర్కు దారితీసే అవకాశం ఉందని వైద్యులు తెలిపారు. మరికొందరు వాటిని అందానికి ఆటంకంగా భావించి తొలగించుకోవడానికి ముందుకు వస్తుంటారు.
ఇప్పటివరకు శస్త్రచికిత్సే ఏకైక మార్గంగా ఉండటంతో ఇన్ఫెక్షన్లు, ఇతర సమస్యలు వచ్చే అవకాశముండేది. అయితే ఇప్పుడు లేజర్ చికిత్స ద్వారా తక్కువ ఖర్చుతో, కేవలం కంటికి స్థానిక మత్తు ఇచ్చి ఈ ప్రక్రియను సులభంగా చేయవచ్చని డాక్టర్ అనసూయ కపూర్ తెలిపారు.
ఈ ఆవిష్కరణ కంటి చికిత్సల్లో శస్త్రచికిత్సకు బలమైన ప్రత్యామ్నాయంగా మారుతుందని వైద్య నిపుణులు అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
