అమెరికాలో ఇటీవల వరుసగా శాస్త్రవేత్తలు అదృశ్యం కావడం లేదా అనుమానాస్పద పరిస్థితుల్లో మరణించడం తీవ్ర చర్చకు దారితీస్తోంది. 2023 నుంచి ఇప్పటివరకు దాదాపు 10 మంది ఉన్నత స్థాయి శాస్త్రవేత్తలు ఇలాంటి ఘటనల్లో చిక్కుకోవడం గమనార్హం. ఈ పరిణామాలపై Donald Trump స్పందిస్తూ, ఇవి యాదృచ్ఛికమా లేక కుట్ర కోణమా అన్నది త్వరలో తేలుస్తామని తెలిపారు. ఈ ఘటనలపై నివేదికలు పరిశీలిస్తున్నామని శ్వేతసౌధం వెల్లడించింది.అదృశ్యమైన లేదా మరణించిన వారిలో చాలా మంది అణుశక్తి, అంతరిక్షం, లేదా గుర్తించని వైమానిక దృగ్విషయాలు (UAP/UFO) వంటి సున్నిత రంగాల్లో పనిచేసినవారే కావడం అనుమానాలకు తావిస్తోంది. ముఖ్యంగా New Mexico ప్రాంతానికి చెందినవారు ఎక్కువగా ఉండటం మరింత చర్చనీయాంశమైంది.
ఈ జాబితాలో ముఖ్యంగా మాజీ పెంటగాన్ అధికారి, అంతరిక్ష పరిశోధకుడు William Neil McCasland ఉన్నారు. ఆయన ఈ ఏడాది ఫిబ్రవరిలో అనుమానాస్పదంగా అదృశ్యమయ్యారు. ఆయనకు Roswell UFO Incidentకు సంబంధించిన రహస్యాలు తెలిసి ఉండవచ్చని ప్రచారం జరుగుతున్నప్పటికీ, కుటుంబ సభ్యులు ఆ వాదనలను ఖండించారు.
అలాగే నాసాకు చెందిన జెట్ ప్రొపల్షన్ ల్యాబ్ డైరెక్టర్ మోనికా రెజా హైకింగ్కు వెళ్లి కనిపించకుండా పోవడం, Massachusetts Institute of Technologyకు చెందిన ప్రొఫెసర్ నునో లౌరిరో కాల్పుల్లో మరణించడం, California Institute of Technologyకు చెందిన ఖగోళ శాస్త్రవేత్త కార్ల్ గ్రిల్మైర్ హత్యకు గురవడం వంటి ఘటనలు కలకలం రేపుతున్నాయి.ఈ సంఘటనల వెనుక కుట్ర ఉందని కొందరు అనుమానిస్తున్నారు. అణు రహస్యాలు లేదా గ్రహాంతరవాసుల పరిశోధనలకు సంబంధించిన సమాచారాన్ని బయటకు రాకుండా అడ్డుకోవడానికే ఈ చర్యలు జరిగి ఉండవచ్చని వాదిస్తున్నారు. అయితే Avi Loeb వంటి నిపుణులు ఈ వాదనలను తిరస్కరిస్తున్నారు. ఇవి విడివిడిగా జరిగిన సంఘటనలే కావచ్చని, శాస్త్రవేత్తలపై ఉండే ఒత్తిడి, వ్యక్తిగత కారణాలు కూడా ఇందుకుకారణమై ఉండొచ్చని అభిప్రాయపడుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
