ప్రపంచ నంబర్వన్ మాగ్నస్ కార్ల్సన్ను క్లాసికల్ చెస్లో ఓడించడం ఎంత కష్టమో తెలిసిందే. అయితే అతడి సొంతగడ్డపై, అతనికి అత్యంత ఇష్టమైన టోర్నీల్లో ఒకటైన నార్వే చెస్లో వరుసగా రెండోసారి కార్ల్సన్పై విజయం సాధించడం ద్వారా భారత యువ గ్రాండ్మాస్టర్ ప్రజ్ఞానంద మరోసారి తన ప్రతిభను చాటుకున్నాడు.
డ్రా అవుతుందనుకున్న మ్యాచ్లో చివరి దశలో అద్భుతంగా ఆడిన ప్రజ్ఞానంద 48వ ఎత్తులో కార్ల్సన్ చేసిన పొరపాటును సమర్థంగా వినియోగించుకుని కేవలం ఏడు ఎత్తుల్లోనే గేమ్ను ముగించాడు. ఆత్మవిశ్వాసంతో, సమయోచితంగా ఆడిన ఈ విజయం చెస్ ప్రపంచాన్ని ఆశ్చర్యానికి గురిచేసింది.
విశ్వనాథన్ ఆనంద్ 2007లో ఒకే టోర్నీలో కార్ల్సన్ను రెండుసార్లు ఓడించిన తర్వాత, ఆ ఘనత సాధించిన రెండో భారత ఆటగాడిగా ప్రజ్ఞానంద నిలిచాడు. అంతేకాకుండా ఈ ఏడాది క్లాసికల్ చెస్లో కార్ల్సన్పై రెండుసార్లు గెలిచిన తొలి ఆటగాడిగా కూడా రికార్డు సృష్టించాడు.
ప్రస్తుతం 12 పాయింట్లతో మూడో స్థానంలో ఉన్న ప్రజ్ఞానంద టైటిల్ రేసులో బలమైన పోటీదారుగా మారాడు. ఇంకా రెండు గేమ్లు మిగిలి ఉండగా అమెరికా గ్రాండ్మాస్టర్ వెస్లీ సో 14 పాయింట్లతో అగ్రస్థానంలో కొనసాగుతున్నాడు. అలీరెజా 13 పాయింట్లతో రెండో స్థానంలో ఉన్నాడు. ప్రపంచ ఛాంపియన్ గుకేశ్ 8 పాయింట్లతో, కార్ల్సన్ 9 పాయింట్లతో టైటిల్ పోటీ నుంచి దూరమయ్యారు.
ఎనిమిదో రౌండ్లో అలీరెజా చేతిలో ఓటమి చవిచూసిన గుకేశ్ ప్రస్తుతం పట్టికలో అట్టడుగున నిలిచాడు. మొత్తంగా చూస్తే, నార్వే చెస్లో భారత ఆటగాళ్ల ప్రదర్శన అంతర్జాతీయ చెస్ వేదికపై మరోసారి భారత ప్రతిష్ఠను చాటుతోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
