చివరి నిమిషంలో దక్కిన అవకాశాన్ని రోషిబినా దేవి పతకంగా మలిచింది. ఆసియా క్రీడల వుషు 60 కిలోల విభాగంలో భారత అథ్లెట్ రోషిబినా దేవి రజత పతకం సాధించింది. గురువారం జరిగిన ఫైనల్లో చైనా అథ్లెట్ జాంగ్ షియావు చేతిలో 0-2తో ఓడిన ఆమె.. రెండో స్థానంతో పోటీని ముగించింది.
మణిపుర్కు చెందిన రోషిబినాకు ఆసియా క్రీడల్లో ఇది వరుసగా మూడో పతకం. 2018లో కాంస్యం సాధించిన ఆమె.. 2021లో రజతం గెలిచింది. తాజాగా మరోసారి సిల్వర్ మెడల్ సాధించి తన ఖాతాలో హ్యాట్రిక్ పతకాలు నమోదు చేసింది.
అయితే ఈసారి ఆమె ప్రయాణం అనూహ్యంగా సాగింది. ఆసియా క్రీడలకు ముందు జరిగిన ట్రయల్స్లో దివ్యాంశి చౌదరి చేతిలో రోషిబినా ఓడిపోవడంతో తొలుత జట్టులో చోటు దక్కలేదు. అనంతరం దివ్యాంశికి గాయం కావడంతో చివరి నిమిషంలో రోషిబినాను జాతీయ ఫెడరేషన్ ఎంపిక చేసింది. వచ్చిన అవకాశాన్ని సద్వినియోగం చేసుకున్న ఆమె.. రజతంతో తన సత్తా చాటింది.
రోయింగ్లో కాంస్యం: పురుషుల డబుల్స్ విభాగంలో సత్నాం సింగ్, సల్మాన్ ఖాన్ జోడీ భారత్కు కాంస్య పతకం అందించింది. తొలి 1500 మీటర్ల వరకు రెండో స్థానంలో ఉన్న భారత ద్వయం.. చివరి 500 మీటర్లలో మూడో స్థానానికి పడిపోయింది. దీంతో కాంస్యంతో సరిపెట్టుకుంది. చైనా జోడీ స్వర్ణం, ఉజ్బెకిస్థాన్ జోడీ రజతం సాధించాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
