భారత క్రికెట్లో దిగ్గజ ఆటగాళ్ల వారసులు మైదానంలోకి రావడం కొత్తేమీ కాదు. అయితే ఇద్దరు మాజీ క్రికెటర్ల కుమారులు ఒకేసారి తమ అండర్-19 కెరీర్ను ప్రారంభించనుండటం ఆసక్తికరంగా మారింది. ఒకప్పుడు భారత జట్టుకు ప్రాతినిధ్యం వహించిన వీరేంద్ర సెహ్వాగ్, రాహుల్ ద్రవిడ్ల ఆటను చూసిన అభిమానులకు.. ఇప్పుడు వారి కుమారుల ఆటను వీక్షించే అవకాశం లభించనుంది.
ఆస్ట్రేలియాతో జరిగే అండర్-19 సిరీస్కు ఎంపిక చేసిన భారత జట్టులో ఆర్యవీర్ సెహ్వాగ్, అన్వయ్ ద్రవిడ్కు చోటు దక్కింది. వన్డే, మల్టీడే మ్యాచ్ల కోసం బీసీసీఐ డొమెస్టిక్ సెలక్షన్ కమిటీ జట్లను ప్రకటించింది. ఇందులో ఇద్దరు యువ క్రికెటర్లకు అవకాశం కల్పించింది.
డ్యాషింగ్ ఓపెనర్గా పేరొందిన వీరేంద్ర సెహ్వాగ్ కుమారుడు ఆర్యవీర్ కూడా దూకుడుగా బ్యాటింగ్ చేయడంలో ఆసక్తి చూపిస్తున్నాడు. ఇటీవల ఓ మ్యాచ్లో తన తండ్రి తరహాలో భారీ షాట్లు ఆడిన వీడియో సామాజిక మాధ్యమాల్లో వైరల్గా మారింది. మరోవైపు మాజీ కెప్టెన్, మాజీ ప్రధాన కోచ్ రాహుల్ ద్రవిడ్ కుమారుడు అన్వయ్ వికెట్ కీపర్-కమ్ బ్యాటర్గా రాణిస్తున్నాడు.
ఆస్ట్రేలియా అండర్-19 జట్టుతో భారత యువ జట్టు రాజ్కోట్ వేదికగా తలపడనుంది. వన్డే జట్టుకు లక్ష్య రాయ్చందాని కెప్టెన్గా, యశ్బర్దాన్ చౌహాన్ వైస్ కెప్టెన్గా వ్యవహరించనున్నారు. మల్టీడే మ్యాచ్లకు మాత్రం యశ్బర్దాన్ చౌహాన్ సారథ్యం వహించనుండగా.. లక్ష్య రాయ్చందాని వైస్ కెప్టెన్గా ఎంపికయ్యాడు.
ఆర్యవీర్, అన్వయ్ల ఎంపికతో భారత క్రికెట్లో మరో తరం వారసత్వాన్ని కొనసాగించేందుకు సిద్ధమవుతున్నట్లు కనిపిస్తోంది. తండ్రుల స్థాయికి చేరాలంటే ఈ యువ క్రికెటర్లు ఇంకా ఎంతో దూరం ప్రయాణించాల్సి ఉన్నప్పటికీ.. అండర్-19 స్థాయిలో లభించిన ఈ అవకాశం వారి కెరీర్కు కీలక ఆరంభంగా మారనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
