సూరి సినీ ప్రయాణం చూస్తే.. కష్టపడితే ఎప్పటికైనా గమ్యాన్ని చేరుకోవచ్చనే నమ్మకానికి నిలువెత్తు ఉదాహరణగా కనిపిస్తుంది. చిన్న వయసులోనే కుటుంబ బాధ్యతలు మోయాల్సి రావడం.. రోజువారీ కూలీగా పనిచేయడం.. తినడానికి సరైన డబ్బులు లేక ఇబ్బందులు పడటం.. ఇవన్నీ దాటుకుని నటుడిగా ఎదిగారు.
చెన్నైకి వచ్చిన తర్వాత కూడా పరిస్థితులు అంత సులభంగా మారలేదు. నటుడిగా అవకాశం కోసం ఏళ్ల తరబడి ఎదురుచూస్తూనే.. జీవనం కోసం వివిధ పనులు చేశారు. చివరకు ‘వెన్నిల కబడ్డీ కుజు’తో వచ్చిన గుర్తింపు ఆయన కెరీర్ను పూర్తిగా మార్చేసింది. కామెడీ పాత్రల్లో తనదైన శైలితో మెప్పించిన సూరి.. ఆ తర్వాత నటుడిగా తనను తాను నిరూపించుకునే దిశగా అడుగులు వేశారు.
‘విడుదలై పార్ట్-1’తో ఆయనలోని మరో కోణం ప్రేక్షకులకు పరిచయమైంది. కౌమారేశన్గా ఆయన చూపించిన భావోద్వేగాలు, అమాయకత్వం, పోరాటాన్ని తెరపై సహజంగా ఆవిష్కరించారు. దీంతో సూరిని కేవలం కమెడియన్గా కాకుండా బలమైన పాత్రలను మోసే నటుడిగా ప్రేక్షకులు గుర్తించడం మొదలుపెట్టారు.
ఇక ఇప్పుడు పాన్ ఇండియా స్థాయిలో సినిమాలు చేస్తూ తన మార్కెట్ను విస్తరించుకుంటున్నారు. ఒకప్పుడు రోజుకు రూ.20 కోసం కష్టపడిన వ్యక్తి.. నేడు కోట్ల రూపాయల పారితోషికం అందుకునే స్థాయికి చేరుకోవడం ఆయన ప్రయాణంలో ప్రత్యేకత. అయితే తన కెరీర్లో ఎదుర్కొన్న అవమానాలు, ఆకలి కష్టాలను సూరి ఇప్పటికీ మర్చిపోలేదు. అదే తన విజయానికి కారణమైన పట్టుదలకు గుర్తుగా చెబుతుంటారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
