యుద్ధం కంటే బతుకుబండి పెద్దది..ఇరానీయుల పోరాటం!!

పశ్చిమాసియాలో కొనసాగుతున్న యుద్ధ పరిస్థితులు Iranలో సాధారణ ప్రజల జీవనాన్ని తీవ్రంగా ప్రభావితం చేస్తున్నాయి. అమెరికా, ఇజ్రాయెల్‌ వైమానిక దాడుల కారణంగా విద్యుత్‌ సరఫరా నిలిచిపోవడం, ఇంటర్నెట్‌ సేవలు పనిచేయకపోవడం, వాణిజ్య కార్యకలాపాలు స్తంభించడం వంటి సమస్యలు రోజువారీ జీవితాన్ని దెబ్బతీస్తున్నాయి. నిత్యావసరాల ధరలు పెరగడంతో ప్రజలు మరింత ఇబ్బందులు ఎదుర్కొంటున్నారు.

ఈ పరిస్థితుల్లో కొంతమంది ఇరానీయులు జీవనావసరాల కోసం Iraqలోకి వెళ్లడం ప్రారంభించారు. ముఖ్యంగా Shalamcheh border crossing ద్వారా దక్షిణ ఇరాక్‌లోకి ప్రవేశిస్తున్నారు. అక్కడ తక్కువ ధరలకు సరుకులు లభించడం, ఇంటర్నెట్‌ సదుపాయం అందుబాటులో ఉండటం, అలాగే బంధువుల వద్ద తాత్కాలికంగా ఉండే అవకాశం ఉండటం వల్ల ఈ మార్గాన్ని ఆశ్రయిస్తున్నారు.

అధికారుల సమాచారం ప్రకారం, ఎక్కువ మంది Basra ప్రాంతం వైపు వెళ్తున్నారు. అక్కడ అవసరమైన సరుకులు కొనుగోలు చేసి, కొంతకాలం గడిపిన తర్వాత తిరిగి Abadan, Ahvaz నగరాలకు చేరుకుంటున్నారు.

ఇరాన్‌లోని స్థానికులు చెబుతున్నదాని ప్రకారం, నిరంతర పేలుళ్ల శబ్దాలతో ఇళ్లు దెబ్బతింటున్నాయి. చిన్నపిల్లలు భయంతో వణికిపోతున్నారు. జీవన పరిస్థితులు క్షీణిస్తుండటంతో పాటు భవిష్యత్తుపై అనిశ్చితి పెరుగుతోంది. అయినప్పటికీ, తమ దేశాన్ని వదిలి వెళ్లే ఉద్దేశం లేదని, యుద్ధం త్వరగా ముగియాలని మాత్రమే కోరుకుంటున్నామని వారు చెబుతున్నారు.