ఫుడ్ డెలివరీ, క్విక్ కామర్స్ రంగాల్లో కార్యకలాపాలు సాగిస్తున్న స్విగ్గీకి జూన్ త్రైమాసికంలో భారీ నష్టాలు నమోదయ్యాయి. ఏకీకృత ప్రాతిపదికన కంపెనీ రూ.791 కోట్ల నికర నష్టాన్ని ప్రకటించింది. అయితే గత ఏడాది ఇదే కాలంలో నమోదైన రూ.1,197 కోట్ల నష్టంతో పోలిస్తే ఈసారి నష్టాలు గణనీయంగా తగ్గాయి.
కంపెనీ కార్యకలాపాల ఆదాయం గత ఏడాది రూ.4,961 కోట్ల నుంచి ఈసారి రూ.6,812 కోట్లకు పెరిగింది. ఆదాయంలో నమోదైన ఈ వృద్ధి నష్టాలు తగ్గడానికి ప్రధాన కారణంగా నిలిచింది. అయితే ఇదే సమయంలో కంపెనీ మొత్తం వ్యయాలు కూడా రూ.6,244 కోట్ల నుంచి రూ.7,813 కోట్లకు పెరిగాయి.
స్విగ్గీ మేనేజింగ్ డైరెక్టర్ శ్రీహర్ష మాజేటి మాట్లాడుతూ.. కంపెనీకి చెందిన క్విక్ కామర్స్ విభాగం ఇన్స్టామార్ట్ 2026 మేలో బ్రేక్ఈవెన్ కాంట్రిబ్యూషన్ లక్ష్యాన్ని చేరుకున్నట్లు తెలిపారు. ఇన్స్టామార్ట్కు సంబంధించిన సర్దుబాటు చేసిన ఎబిటా నష్టం రూ.778 కోట్లకు తగ్గినట్లు వెల్లడించారు.
ఇక ఇన్స్టామార్ట్కు ‘ఇండియన్ ఓన్డ్ అండ్ కంట్రోల్డ్ కంపెనీ’ హోదా లభిస్తే, సంస్థ నేరుగా సరుకులను కొనుగోలు చేసి విక్రయించే అవకాశం ఏర్పడుతుందని శ్రీహర్ష మాజేటి తెలిపారు. దీనివల్ల రోజువారీ కార్యకలాపాలపై స్విగ్గీకి మరింత స్వేచ్ఛ, నియంత్రణ లభిస్తుందని పేర్కొన్నారు. ఆగస్టు 18న జరగనున్న 13వ వార్షిక సాధారణ సమావేశంలో వాటాదారుల ఆమోదం లభిస్తే.. ఈ మార్పు 2 నుంచి 4 త్రైమాసికాల వ్యవధిలో పూర్తయ్యే అవకాశం ఉందని తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
