టీ20 వరల్డ్కప్ 2026 విషయంలో పాకిస్థాన్ క్రికెట్ బోర్డు (PCB) తొందరపాటు నిర్ణయాలు తీసుకోవద్దని పాక్ మాజీ క్రికెటర్లు, మాజీ బోర్డు సభ్యులు సూచిస్తున్నారు. బంగ్లాదేశ్కు మద్దతుగా ఐసీసీతో విభేదాలు పెంచుకోవడం పాకిస్థాన్ క్రికెట్కు దీర్ఘకాలంలో నష్టమేనని వారు హెచ్చరిస్తున్నారు.
భద్రతా కారణాలు చూపుతూ భారత్లో ఆడేందుకు బంగ్లాదేశ్ నిరాకరించడంతో, ఐసీసీ ఆ జట్టు స్థానంలో స్కాట్లాండ్కు అవకాశం కల్పించింది. ఈ అంశంలో బంగ్లాదేశ్కు పాకిస్థాన్ మద్దతు ఇవ్వడం అవసరం లేదని పాక్ మాజీలు స్పష్టం చేస్తున్నారు. ఇప్పటికే ఐసీసీ సమావేశాల్లో బంగ్లాదేశ్కు మరే దేశం మద్దతు ఇవ్వలేదన్న విషయాన్ని గుర్తు చేస్తున్నారు.
ఒకవేళ పాకిస్థాన్ వరల్డ్కప్ను బహిష్కరిస్తే, అది ఆ దేశ క్రికెట్కు ఆర్థికంగా, ప్రతిష్ట పరంగా తీవ్ర నష్టాన్ని కలిగిస్తుందని నిపుణులు అభిప్రాయపడుతున్నారు. ఆటగాళ్ల భవిష్యత్తు, అంతర్జాతీయ అవకాశాలు దెబ్బతింటాయని చెబుతున్నారు.
వరల్డ్కప్లో పాల్గొనడం పాకిస్థాన్ క్రికెట్కు ఎంతో ముఖ్యం అని మహమ్మద్ హఫీజ్, ఇంజమామ్ ఉల్ హక్ వంటి మాజీలు స్పష్టంగా పేర్కొన్నారు. భావోద్వేగాలకు లోనుకాకుండా, దేశ క్రికెట్ భవిష్యత్తును దృష్టిలో పెట్టుకుని పీసీబీ వివేకవంతమైన నిర్ణయం తీసుకోవాలని పాక్ మాజీలు హితవు పలుకుతున్నారు.
Accident Alert Andhra pradesh Andhrapradesh BreakingNews Breaking news BreakingNewsTelugu Business Chandrababu naidu Climate Cricket Crime News Delhi Development Devotion Devotional Farmers Flood Government Heavy rains High court Hyderabad India Investment Karthika masam Mantha Toofan Movie Nara Lokesh Naralokesh News PM Modi Police Politics Review Road accident Sports Srikakulam Tdp Telangana Toofan Vijayawada Warning Weather YCP YSRCP
