ఇరాన్తో ఒప్పందం విషయంలో అమెరికా ఎలాంటి తొందరపడే ఆలోచనలో లేదని మాజీ అధ్యక్షుడు Donald Trump పేర్కొన్నారు. ఈ మేరకు ఆయన ట్రూత్ సోషల్ వేదికలో స్పందించారు. చర్చల కోసం సమయం తీసుకోవాలని అమెరికా అధికారులకు సూచించినట్లు తెలిపారు.
హర్మూజ్ జలసంధిలో ఇరాన్ నౌకల దిగ్బంధనం, ఒప్పందం పూర్తయ్యే వరకు కొనసాగుతుందని ఆయన స్పష్టం చేశారు. ఈ పరిణామంతో గల్ఫ్ ప్రాంతంలో ఉద్రిక్తతలు మరింత పెరుగుతున్నాయి.ఇరాన్-అమెరికా మధ్య ఒప్పందంపై కొంత పురోగతి కనిపిస్తున్నా, అది పూర్తిగా ఖరారు కావడానికి ఇంకా సమయం పట్టొచ్చని అంతర్జాతీయ నిపుణులు అంచనా వేస్తున్నారు. ఇప్పటికే పర్షియన్ గల్ఫ్లో సుమారు 1,500 నుంచి 2,000 నౌకలు చిక్కుకుపోయినట్లు సమాచారం.
ఒప్పందం కుదిరినా షిప్పింగ్ సాధారణ స్థితికి రావడానికి కొన్ని నెలలు పడే అవకాశం ఉందని నిపుణులు చెబుతున్నారు. హర్మూజ్ ప్రాంతంలో అమర్చిన మైన్స్ తొలగింపు, భద్రతా చర్యలు పూర్తవడానికి సమయం అవసరమని పేర్కొంటున్నారు.అమెరికా సహా ఇతర దేశాల నౌకాదళాలు మైన్ స్వీపింగ్ ఆపరేషన్ల కోసం సిద్ధమవుతున్నప్పటికీ, పూర్తిస్థాయి రవాణా పునరుద్ధరణకు కనీసం రెండు నుంచి మూడు నెలలు పట్టవచ్చని అంచనా వేస్తున్నారు.ఈ పరిణామాలు ప్రపంచ చమురు సరఫరా, షిప్పింగ్ వ్యవస్థపై తీవ్ర ప్రభావం చూపుతున్నాయని విశ్లేషకులు హెచ్చరిస్తున్నారు.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
