ఇరాన్, అమెరికా మధ్య మధ్యంతర శాంతి ఒప్పందం కుదిరిన నేపథ్యంలో హర్మూజ్ జలసంధి త్వరలో తిరిగి తెరుచుకుంటుందా అన్న ఉత్కంఠ ప్రపంచవ్యాప్తంగా నెలకొంది. అయితే ఈ జలసంధిపై ఆధారాన్ని పూర్తిగా తగ్గించే దిశగా యూఏఈ (UAE) భారీ వ్యూహాత్మక ప్రణాళికను అమలు చేస్తోంది.
హర్మూజ్ జలసంధి తెరచి ఉందా లేదా అన్నది ముఖ్యమేమీ కాదని, దానిపై ఆధారపడాల్సిన అవసరమే లేకుండా చేసేందుకు చర్యలు చేపడుతున్నామని యూఏఈ విదేశీ వాణిజ్య మంత్రి థాని అల్ జెయూదీ ఒక ఇంటర్వ్యూలో తెలిపారు. జలసంధి త్వరలో తెరుచుకుంటుందని ఆశిస్తున్నప్పటికీ, తమ ప్రత్యామ్నాయ ప్రాజెక్టులను మాత్రం కొనసాగిస్తామని ఆయన స్పష్టం చేశారు.
గతంలో హర్మూజ్ మూసివేత సమయంలో కూడా యూఏఈ తన తూర్పు తీరంలోని రేవుల ద్వారా పైప్లైన్ వ్యవస్థ సహాయంతో చమురు రవాణాను కొనసాగించిన విషయాన్ని ఆయన గుర్తు చేశారు. కొన్ని వారాలుగా జలసంధి గుండా చమురు ట్యాంకర్ల రాకపోకలను కూడా పునఃప్రారంభించినట్లు సమాచారం.
హర్మూజ్పై ఆధారాన్ని తగ్గించేందుకు యూఏఈ డిబ్బా, ఫుజైరా, ఖోర్ ఫక్కన్ రేవులను విస్తరించేందుకు ప్రణాళికలు సిద్ధం చేసింది. అలాగే కొత్త పైప్లైన్ వ్యవస్థపై భారీ పెట్టుబడులు పెట్టాలని నిర్ణయించింది.
ఫుజైరా రేవు ద్వారా చమురు ఎగుమతులను రెండింతలు చేయడానికి రెండో పైప్లైన్ అభివృద్ధి, అలాగే పెట్రోకెమికల్స్, ద్రవీకృత సహజ వాయువు (LNG) ఎగుమతుల కోసం మూడో పైప్లైన్ ఏర్పాటు చేయనున్నట్లు మంత్రి వెల్లడించారు.
దీంతో పాటు జెబెల్ అలీ, ఖైఫా రేవుల్లో రైల్వే కనెక్టివిటీని విస్తరించే ప్రణాళిక కూడా ఈ భారీ ప్రాజెక్టులో భాగమని ఆయన తెలిపారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
