గ్రూప్ చాట్ను మరింత సులభతరం చేసేలా వాట్సప్ కొత్త ఫీచర్లను అందుబాటులోకి తీసుకొచ్చింది. వినియోగదారుల అవసరాలకు అనుగుణంగా పోల్స్లో మార్పులు, సభ్యులందరినీ ఒకేసారి ట్యాగ్ చేసే @all ఆప్షన్, కొత్త గ్రూప్లను వేగంగా సృష్టించే సదుపాయాలను ప్రవేశపెట్టింది.
పోల్స్లో కొత్త మార్పులు
ఇకపై వాట్సప్ గ్రూప్లో నిర్వహించే పోల్స్కు గడువు సమయాన్ని నిర్ణయించుకోవచ్చు. నిర్ణయించిన సమయం పూర్తయిన తర్వాత ఓటింగ్ ఆటోమేటిక్గా నిలిచిపోతుంది. అంతేకాకుండా ఓటు వేసిన వారి వివరాలు ఇతర సభ్యులకు కనిపించకుండా చేసే అవకాశం కూడా కల్పించింది.
దీంతో సభ్యులు తమ అభిప్రాయాలను స్వేచ్ఛగా వెల్లడించే అవకాశం ఉంటుంది. పోల్ సృష్టించిన తర్వాత 15 నిమిషాల వరకు ఎడిట్ చేసుకునే సదుపాయం కూడా అందుబాటులోకి వచ్చింది.
@all ఫీచర్తో అందరికీ నోటిఫికేషన్
గ్రూప్లో ముఖ్యమైన సమాచారం పంచుకునే సమయంలో ప్రతి ఒక్కరినీ విడివిడిగా ట్యాగ్ చేయాల్సిన అవసరం లేకుండా వాట్సప్ కొత్తగా @all ఫీచర్ను తీసుకొచ్చింది. దీని ద్వారా ఒకేసారి గ్రూప్లోని సభ్యులందరికీ నోటిఫికేషన్ పంపవచ్చు.ప్రస్తుతం ఈ సదుపాయం 32 మందికి పైగా సభ్యులు ఉన్న గ్రూప్లలో అందుబాటులో ఉంది. ఈ ఫీచర్ను ఉపయోగించే అవకాశం కేవలం అడ్మిన్లకు మాత్రమే ఉంటుంది.
సిమిలర్ గ్రూప్తో సులభంగా కొత్త గ్రూప్
ఇప్పటికే ఉన్న గ్రూప్లోని కొంతమంది సభ్యులతో వెంటనే మరో కొత్త గ్రూప్ను రూపొందించుకునేలా సిమిలర్ గ్రూప్ ఫీచర్ను కూడా తీసుకొచ్చింది. ఒక్కొక్కరిని ఎంపిక చేయకుండా ఒకేసారి సభ్యులను జోడించి కొత్త గ్రూప్ క్రియేట్ చేయవచ్చు.పుట్టినరోజు వేడుకలు, సర్ప్రైజ్ ప్లాన్స్, ప్రత్యేక చర్చల కోసం ఈ ఫీచర్ ఉపయోగపడనుంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
